Cəmiyyət

Leninqradda azərbaycanlını güllələdilər

4 Fevral 2016 23:06
3 Şərh     Baxış: 2 231
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Rusiyanın Leninqrad vilayətinin Tosnenski rayonunun Yam-İjora qəsəbəsində əvvəllər məhkum edilmiş azərbaycanlı güllələnib.
Milli.Az "Report"a istinadən xəbər verir ki, bu barədə Rusiya Federasiyası İstintaq Komitəsinin region üzrə İstintaq İdarəsi məlumat yayıb.
Hadisə fevralın 3-ü Rusiya vaxtı ilə 23:15-də Leninqradski küçəsi, 10-da qeydə alınıb. 42 yaşlı Elsin Heydərov Qafqaz mətbəxi kafesinin yanında saxladığı "Mercedes-Benz Gelandewagen" markalı avtomobilinin salonunda olub. Müəyyən məqamda sözügedən ünvana "Chevrolet Lacetti" markalı avtomobil gəlib və nəqliyyat vasitəsinin sərnişinləri dərhal "Mercedes"ə atəş açmağa başlayıblar. Atəşi dayandırdıqdan sonra isə canilər hadisə yerindən qaçıblar. Açılan atəş nəticəsində Elsin Heydərov 6 güllə yarası alıb və dünyasını dəyişib.
Bir müddətdən sonra müəyyən edilib ki, mərhumun məhkumluğu olub. Həmçinin məlum olub ki, Heydərov Ön Qafqaz regionlarından meyvə-tərəvəz tədarükü ilə məşğul olub.
Faktla bağlı Rusiya Cinayət Məcəlləsinin 105-ci maddəsi üzrə cinayət işi qaldırılıb.
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.