Cəmiyyət

Bakıda görülməmiş olay - VİDEO

7 Oktyabr 2015 23:04
49 Şərh     Baxış: 11 840
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Əfsanə Baliyeva adlı qadın sifariş etdiyi taksiyə minib. Taksiyə əyləşən qadın üzərində daşıdığı 12 min manatlıq qızıl-ziynət əşyasını taksidə unudub.

Milli.Az xezerxeber.com-a istinadən bildirir ki, oğurluq hadisəsindən şüphələnən qadın polisə müraciət etmək istəyib. Taksi sürücüsü Rəsul Muradov isə qızılların avtomobildə olduğunu görüb qadının axtarışına başlayıb. Sürücü avtomobilində tapdığı qızıl-ziynət əşyalarını öz təmsil olunduğu taksi şirkətinə təqdim edib.
 
Şirkət qadınla əlaqə saxlayaraq onun avtomobildə unutduğu qızıl-ziynət əşyalarını geri qaytarıb. Qadın sürücünün bu insani hərəkəti qarşısında ona mükafat vermək istəsə də, sürücü bu təklifi qəbul etməyib. Əfsanə Baliyeva bundan sonra şirkətə məxsus avtomobildə səfər edəcəyini söyləyib və şirkətin bütün əməkdaşlarına təşəkkür edib.
 
Qadın sözügedən qızılları pula çevirib anasının əməliyyatını edəcəyini və qızılların itməsinin böyük faciəyə səbəb ola biləcəyini söyləyib:
 
"Taxidə işləyən hər kəsə təşəkkür edirəm. Allah hamısından razı olsun. Halal adamlardı. Bu cavan oğlan əgər qızılları tapıb mənə verməsəydi anamın əməliyyatını etdirə bilməyəcəkdim. Hər şeyə görə təşəkkür edirəm".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.