Cəmiyyət

Qrunt suları təhlükə mənbəyinə çevrilib

1 Avqust 2015 15:45
0 Şərh     Baxış: 1 374
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Kəpəz TV (Region TV) xəbər verir ki, Ağstafa rayonunun Tatlı kəndində qrunt suları 20-yə yaxın ailəni təhlükə qarşısında qoyub. 6-7 aydır suyun bolluğu kənd sakinlərinə məxsus evləri və təsərrüfatları yararsız hala salıb. Yaşayış mənzillərinə dolan su kiçik yaşlı uşaqların və ördəklərin əyləncə yerinə çevrilib. Qrunt sularının artması evlərin döşəməsini də yarasız hala salıb ki, nəticədə zirzəmiyə düşənlər də olub.

Suyun həyətlərə evlərə yığılıb qalması ziyanverici həşəratların yaranmasına səbəb olub ki, nəticədə bu canlılar azyaşlı sakinləri sancaraq bədənlərində müxtəlif yaralar yaradıb. Havaların isti keçməsinə baxmayaraq kəndin əksər evlərinin həyətləri lilin-palçığın içindədir. Sakinlər bildirir ki, öz torpaq sahələrində əkin işi də apara bilmirlər. Hansı tərəfi qazırsan su çıxır.
Tatlı kəndində yaranan mövcud problemlə ələqədar Ağstafa rayon İcra Hakimiyyətindən nümayəndələr əraziyə baxış keçirib. Kənddə üzə çıxan qrunt sularının qarşısını almaq üçün layihə hazırlanaraq aidiyyəti qurumlara ötürülüb. Kənddə yaranan problemin yaxın vaxtlarda aradan qaldırılacağı gözlənilir.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.