PUL
"Skype şəbəkəsinin Azərbaycanda fəaliyyəti üçün heç bir məhdudiyyət qoyulmayıb"
Bu sözləri Milli.Az-a açıqlamasında Rabitə və Yüksək Texnologiyalar Nazirliyinin mətbuat xidmətinin rəhbəri Müşviq Əmirov deyib.
"Rabitə və Yüksək Texnologiyalar Nazirliyi heç bir məhdudiyyət qoymur. Əksinə, bu cür şəbəkələrin daha da inkişaf etdirilməsində, təkmilləşdirilməsində maraqlıdır", - deyə o əlavə edib.
Qurum rəsmisi deyib ki, ötən gün Azərbaycanda "Skype"ın işində problem yaranması ilə bağlı xəbərlərdən sonra məsələni araşdırıblar. Məlum olub ki, proqramın işinə mane olacaq heç bir problem yoxdur.
Milli.Az-a yazan mütəxəssislər isə bildiriblər ki, problem proqram təminatının yenilənməsi ilə bağlı olub. Skype proqramının yeni versiyasını yüklədikdən sonra problem aradan qalxır.
Teymur Hacıyev
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.jpg)
.jpg)
