PUL
.jpg)
Milli.Az El TV-yə (Region TV) istinadən xəbər verir ki, hava şəraitinin istiləşməsi ilə əlaqədar Yevlax rayonu ərazisindəki ət kəsimi məntəqələrinə nəzarət artırılıb. Nəzarət işlərini şəhər üzrə iki baytar sanitar ekspertiza laboratoriyası həyata keçirir. Bundan başqa, rayonun Xaldan və Aran qəsəbələrindəki, eləcə də Xanabad kəndindəki ət kəsimi yerləri baytarlar tərəfindən vaxtaşırı yoxlanılır.
"Elə bir qidadır ki, istənilən anda onu satan adam qaydaları pozmağa çalışır, oradan gəlir əldə etmək üçün. Baytar həkimin də borcu odur ki, o qaydaları pozana qarşı ciddi mübarizə aparsın", - deyə Yevlax Rayon Baytarlıq İdarəsinin rəisi Vaqif Kərimov bildirib.
Yevlaxda son 6 ay ərzində həyata keçirilən yoxlamalar zamanı sanitar normaların pozulması halları da aşkarlanıb. Bununla bağlı qanun çərçivəsində addımlar atılıb. Rayonun baş baytarının sözlərinə görə, 6 ət kəsimi obyektinin fəaliyyəti baytar sanitar normaların pozulmasını səbəbilə dayandırılıb. Vaqif Kərimov bildirib ki, hal-hazırda onlar fəaliyyət göstərmirlər. Ət kəsimi məntəqələrində yoxlamaların bundan sonra da davam etdiriləcəyi bildirilir.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
__.jpg)
.jpg)
.jpg)
.jpg)
