Cəmiyyət

Bakıda kirayə evlər ucuzlaşacaq?

30 İyun 2015 11:04
0 Şərh     Baxış: 1 597
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bu ayın ötən günlərində kirayə mənzil bazarında qısa müddətə təklif olunan evlərin qiymətində nisbətən artım müşahidə edilib. Bu, ölkəmizdə keçirilən Birinci Avropa Oyunları ilə bağlı olub.

Anspress-in məlumatına görə, İqtisadi və Sosial İnkişaf Mərkəzinin (İSİM) apardığı monitorinqin nəticələrinə əsasən, bu ayın əvvəlindən başlayaraq paytaxtın bir və ikinci zonalarındakı (mərkəz) kirayə bazarında tələb yüksəlib. Qiymət artımları məhz qısa müddətli dövrdə, xüsusən 1 ay müddətinədək təklif edilən kirayə evlərdə müşahidə olunub. Belə ki, oyunları izləmək üçün ölkəmizə gələn turistlərin bir qismi öz pullarına qənaət etmək və daha uzun müddət Azərbaycanda qalmaq üçün otellərdə deyil, evlərdə yaşamağa üstünlük veriblər.

Ekspertlərin fikrincə, Avropa Oyunları başa çatıb və bundan sonra qiymətlər ucuzlaşa bilər. Kirayə ev sahibləri, xüsusən də mənzil alqı-satqısı ilə məşğul olan ofislər kirayə evlərin qiymətində güzəştə getməyə məcburdurlar.

Monitorinqlər göstərib ki, şəhərin mərkəzində bəzi mənzillərin bir aylıq kirayə haqqı hətta 2 min manatdan çox olub. Baxmayaraq ki, həmin mənzillər əvvəlki aylarda 1000-1200 manata təklif edilirdi. Bu, ölkəmizə gələn turistlərin sayının artmasından evlərin kirayə verilməsi ilə məşğul olanların süni şəkildə qazanc əldə etmək istəyi ilə bağlı olub. Amma indi daşınmaz əmlak bazarındakı vəziyyətin dəyişəcəyi gözlənilir.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.