Cəmiyyət

"Al-tum" paketindən qoyun qığı çıxdı - FOTO

30 May 2015 19:59

14 Şərh Baxış: 6 363

#FOTOSESSİYA #TEXNOLOGİYA

"Günəbaxan tumu paketini açanda orada gördüyüm nəsnə məni heyrətləndirdi. İnana bilməzdim ki, tumun içində bu ola bilər".
Milli.Az-ın daimi oxucularından biri redaksiyaya müraciət edərək bildirib ki, "Al-tum," adlı günəbaxan tumu paketindən qoyun qığına çox bənzəyən nəsnə çıxıb.
Bununla bağlı olaraq "Al-Tum"un istehsalçısı, "Dost-Tum" şirkəti ilə əlaqə saxladıq.
Hacıqabul rayonuunn Nəvahi qəsəbəsində yerləşən şirkətdən tum paketinin içindən qoyun qığı çıxması ilə bağlı hadisə birmənalı şəkildə təkzib olundu.
"Belə hadisə ola bilməz və yalan iddiadır. O adam kimdirsə, təxribatla məşğul olur. Bizdə ən yeni, ən müasir texnologiyalar, konstruksiya və avadanlıqdan istifadə olunur. Yəni istehsalda insan amili birmənalı şəkildə istisnadır", - "Dost-Tum"un yetkilisi Rəşid Abbasov bildirdi.
Onun sözlərinə görə, istehsal müvafiq nəzarətdədir: "Bütün sənədlərimiz qaydasındadır, müvafiq gigiyenik və uyğunluq sertifikatlarımız da var. Bu, artıq ikinci dəfədir ki, belədir. Əvvəl də bizə qarşı yanlış iddialar irəli sürülmüşdü. Gətirin o adamı, gəlsin, görək paketdən qoyun qığı çxııb, mal qığı çıxıb... Bu nə deməkdi?! Adamı tutaq qulağından, aparaq istehsalı gəzdirək, görən niyə yalan məlumat yayılır?! Təxribatdır bu".
Milli.Az