Cəmiyyət

"Uğura gedən yol"la uğur əldə etməyin yolları - FOTO

23 May 2015 13:26
Baxış: 778
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Mayın 20-də IDEA İctimai Birliyinin Resurs Mərkəzində aprel ayından start götürüb "Uğura gedən yol" layihəsi çərçivəsində növbəti görüş keçirilib.

Təşkilatdan Trend-ə verilən məlumata görə, layihə çərçivəsində təşkil edilən sayca ikinci görüşdə "Heyvanların Müdafiə Cəmiyyətinin" sədri Azər Qarayev gənclər qarşısında peşəkar təcrübəsi ilə bağlı təqdimat edib.

A.Qarayev fəaliyyət göstərdiyi müddətdə əldə etdiyi uğurlardan bəhs edib, gənclərə qazandığı nailiyyətlər haqqında geniş məlumat verərək onlara özünü inkişafla bağlı dəyərli məsləhətlər verib.

Bununla yanaşı, ekspert gənclərə heyvanların mühafizəsi, onlara qayğı və həssas davranışla bağlı çağırışlar edib, onlarla bu mövzuda ətraflı fikir mübadiləsi aparıb. Görüşün sonunda qonaq ekspert gəncləri maraqlandıran sualları cavablandırıb.

Layihə çərçivəsində keçirilən görüş gənclərə uğur əldə etməyin yollarını aşılamaqla yanaşı, onlarda heyvanlara qayğı mədəniyyətinin formalaşmasına töhfə vermək baxımından mühüm rol oynayıb.

"Uğura gedən yol" layihəsi çərçivəsində növbəti görüşlər barədə elanlar IDEA İctimai Birliyinin rəsmi internet səhifəsində və sosial mediada yerləşdiriləcək. Layihə haqqında əlavə məlumat əldə etmək istəyən şəxslər 4976316 şəhər nömrəsi və ya [email protected] elektron poçt ünvanı vasitəsilə IDEA İB ilə əlaqə saxlaya bilərlər.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.