"Hafka" ləqəbi ilə tanınan Hafiz Məmmədovun barəsində "Bank işi"nə görə həbs qətimkan tədbiri seçilməsi ilə bağlı mətbuatda məlumatlar yer alıb.
Qeyd olunur ki, Nəsimi rayon Məhkəməsi tərəfindən mayın 18-də keçirilən prosesdə bu qərar verilib. Lakin 2 gün əvvəl - mayın 16-da H.Məmmədov ölkədən qaça bilib.
Baş Prokurorluğun mətbuat xidmətinin rəhbəri Eldar Sultanov ölkə.az-a bildirdi ki, bu işlə bağlı Daxili İşlər Nazirliyi ilə əlaqə saxlayaq.
Daxili İşlər Nazirliyinin Mətbuat xidmətinin rəis müavini Ehsan Zahidov isə ölkə.az-a açıqlamasında bu məsələdən məlumatsız olduğunu vurğulayıb:
"Məndə bu barədə nə yazılı, nə də şifahi heç bir məlumat yoxdur", - deyə nazirlik rəsmisi bildirib.
Şənbə günü olduğundan Nəsimi rayon Məhkəməsindən məsələ ilə bağlı məlumat ala bilmədik.
Milli.Az