Cəmiyyət

Avropa və İslam oyunları Azərbaycanın digər ölkələrlə əlaqələrini inkişaf etdirməsi üçün yaxşı imkandır

5 May 2015 22:03

0 Şərh Baxış: 721

#AZERBAİJAN #BAKU-2015

Bakıda keçiriləcək I Avropa Oyunları və IV İslam Həmrəylik Oyunları Azərbaycan üçün digər ölkələrlə əlaqələri inkişaf etdirmək baxımından çox böyük imkandır. Bunu Trend-ə İslam İnkişaf Bankı Qrupuna daxil olan Özəl Sektorun İnkişafı üzrə İslam Korporasiyasının baş icraçı direktoru Xalid Məhəmməd əl-Əbudi deyib.

Onun sözlərinə görə, insanlar Azərbaycan haqqında eşidiblər, lakin onlar bura gəlməsələr, ölkəni lazımi şəkildə tanıya bilməyəcəklər: "Şəxsən mənim üçün Azərbaycan dünyanın ən gözəl ölkələrindən biridir".

Korporasiya rəhbərinin fikrincə, belə tədbirin keçirilməsi əlavə investisiya axınına da səbəb olacaq: "Azərbaycana səfər edəcək turistlər digərlərinə ölkə barədə danışacaqlar ki, bu da gələcəkdə yeni investorları cəlb edə bilər".

Milli.Az