Cəmiyyət

Azərbaycana qar yağır - FOTO

23 Mart 2015 12:40

0 Şərh Baxış: 2 960

#FOTOREPORTAJLAR #CƏMİYYƏT #HAVA

Azərbaycanda müşahidə olunan faktiki hava şəraiti ilə bağlı məlumat açıqlanıb.

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyev APA-ya açıqlamasında deyib ki, əvvəldən də xəbər verildiyi kimi, martın 22-si günün ikinci yarısından 23-ü səhərədək ölkə ərazisində hava şəraiti qeyri-sabit keçib, yağış, dağlıq və dağətəyi rayonlarda sulu qar və qar yağıb. Bəzi yerlərdə yağıntılar intensiv olub.

Ən çox qar örtüyü Qubanın dağlıq ərazilərində qeydə alınıb. Belə ki, həmin ərazilərdə qar örtüyünün hündürlüyü 21-35 sm-ə çatıb. Daşkəsən və Gədəbəydə 18 sm, Göygöldə 11 sm, Qəbələdə-Altıağacda 10 sm kimi qar düşüb.

Ölkənin əksər ərazilərində - Bakı və Abşeron yarımadasında, Lənkəran-Astara, Gəncə-Qazax və digər yerlərdə isə yağış yağıb. Bakı və Abşeron yarımadasında düşən yağıntının miqdarı normadan bir qədər yuxarı olub.

Böyütmək üçün şəkillərə klikləyin: