Cəmiyyət

Məişət zəmnində baş verən cinayət hadisələrinin qarşısı necə alınmalıdır?

21 Dekabr 2014 10:29
0 Şərh     Baxış: 927
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Ailə, Qadın və Uşaq Məsələləri üzrə Dövlət Komitəsi intihar və məişət zəminində baş verən cinayət hadisələrinin qarşısını almaq üçün həyata keçirilməsi zəruri olan tədbirləri açıqlayıb.

Komitənin sədr müavini Aynur Sofiyeva Trend-ə deyib ki, intihar halları və məişət zəminində cinayət hadisələri bəzi insanlarda müşahidə edilən aqressiyanın nəticəsidir.
 

A.Sofiyeva hesab edir ki, bunun qarşısını almaq üçün ailə psixoloqlarının, məktəb psixoloqlarının işinin gücləndirilməsi, ailə psixoloqu institutunun yaradılması bu gün üçün qarşıda duran ən vacib məsələlərdən biridir:

"Bu məsələ Komitə tərəfindən qaldırılanda insanlar deyirlər ki, keçmişdə, dədə-babalarımızda bu var idimi? Onda o problemlər də yox idi. Amma bunu gərək qəbul edək ki, hər zamanın özünün diqtə etdiyi məsələlər var və bugünkü cəmiyyət bu gün baş verən proseslər bu məsələni diqtə edir".
 

Komitənin sədr müavini deyib ki, Azərbaycanda məişət zəminində zorakılıq halları azalıb: "Statistik rəqəmlərə baxanda biz məişət daxilində zorakılıq hallarında azalmanı görürük, amma kütləvi informasiya vasitələri bu məsələni bir az böyüdür. Bir məsələni də qeyd emək lazımdır ki, dünyada gedən proseslər, stresslər insanlarda aqressiya yaradıb. O aqressiya da cəmiyyətdə olduğu kimi, ailələrdə də özünü göstərir".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.