Cəmiyyət

Mikayıl Cabbarovdan rektorlara SƏRT XƏBƏRDARLIQ

6 Dekabr 2014 11:16

Baxış: 1 401

#CƏMİYYƏT #TƏHSİL

Azərbaycanın təhsil nazırı Mikayıl Cabbarov ali təhsil müəssisələrində 2014/2015-ci tədris ilinin payız semestrinin imtahan sessiyasının keçirilməsi barədə əmr verıb.

Təhsil Nazirliyindən Trend-ə verilən məlumata görə, əmr sessiyanı mövcud qaydalara uyğun təşkil etmək, tələbələrin biliyinin qiymətləndirilməsində şəffaflığı və obyektivliyi təmin etmək məqsədilə verilib.

Əmrə əsasən, ali təhsil müəssisələrinin rəhbərləri imtahan sessiyasının mövcud normativ sənədlər əsasında təşkil olunmasını təmin etməli, rəhbərlik etdikləri ali təhsil müəssisələrində imtahan qərargahı yaratmalı, qərargaha daxil olan hər bir şikayətin qısa müddətdə operativ şəkildə araşdırılmasını təmin etməlidirlər.

Ali məktəb rəhbərləri imtahanların təşkilində və gedişində nöqsanlara, neqativ hallara yol vermiş şəxslər barədə mövcud qanunvericiliyə uyğun tədbirlər görməlidirlər.

Nazir əmrində onu da qeyd edıb ki, ali məktəb rəhbərləri rəhbərlik etdikləri ali təhsil müəssisəsində baş verə biləcək hər bir neqativ hala görə məsuliyyət daşıdıqlarını nəzərə almalıdırlar.

Əmrə əsasən, 2015-ci ildə Bakı şəhərində I Avropa Oyunlarının keçirilməsi ilə əlaqədar Bakı şəhərində yerləşən ali təhsil müəssisələrində payız semestrinin imtahan sessiyası 29 dekabr 2014-cü ildə başlayıb, 18 yanvar 2015-ci il tarixində sona çatacaq.

Təhsil Nazirliyinin müvafiq məsul şəxsləri isə imtahan sessiyasına hazırlıq dövründə və sessiya müddətində ali təhsil müəssisələrində baş vermiş neqativ hallarla bağlı daxil olan məlumatları operativ araşdırmalı və onların yol verilməsində günahı olan şəxslər barədə tədbir görmək üçün təkliflər hazırlamalıdırlar.

Milli.Az

Milli.Az - Xəbər Portalı

Mikayıl Cabbarovdan rektorlara SƏRT XƏBƏRDARLIQ

DİGƏR XƏBƏRLƏR

XƏBƏR LENTİ

TOP VIDEO

SORĞU

Hansı sosial şəbəkədən daha çox istifadə edirsiniz?