UNESCO-nun Qeyri-maddi mədəni irs üzrə Hökumətlərarası Komitəsinin 9-cu iclasında Ermənistan tərəfindən UNESCO-nun Qeyri-maddi mədəni irs üzrə Reprezentativ siyahısına lavaş "erməni çörəyi lavaşın hazırlanması ənənələri" kimi təqdim edilsə də, Azərbaycan tərəfi buna etiraz edib.
Mədəniyyət və Turizm Nazirliyindən APA-ya verilən məlumata görə, UNESCO Konvensiyasının tələblərinə uyğun olaraq faylın adı dəyişdirilib: "Azərbaycanın etirazı, bununla bağlı həyata keçirilmiş fəaliyyətlər nəticəsində Ermənistanın təxribat cəhdlərinin qarşısı alınıb. Belə ki, UNESCO Konvensiyasının tələblərinə uyğun olaraq faylın adı dəyişdirilib və bununla da lavaş mətbəx mədəniyyətinin erməni millətinə aid olmadığını, sadəcə, bu mətbəx nümunəsinin Ermənistan ərazisində mövcud olduğunu qəbul edib. Yəni Komitədə aparılmış müzakirələrin nəticəsində ifadə olunub ki, Ermənistanın bu cəhdi qəbuledilməzdir və onun ərazisində hər hansı bir mətbəx nümunəsinin hazırlanmasının erməni millətinə məxsus olması anlamına gəlmir".
Nazirlikdən bildiriblər ki, Komitə üzvləri Konvensiyanın ruhunu önə çəkərək ermənilərin lavaşın eksklüziv erməni çörəyi olması iddiasını qətiyyətlə qınayıblar və belə halların baş verməməsi üçün hüquqi prosedurların işlənməsinin vacibliyini qeyd ediblər: "Azərbaycan nümayəndə heyəti Komitə üzvləri və digərləri ilə keçirilən bütün görüşlərdə Ermənistanın UNESCO-nun məqsəd və prinsiplərini öz işğalçı siyasəti üçün alət etməsini tənqid edib və bu cür yanaşmanın təşkilatın nüfuzuna ciddi xələl gətirəcəyini vurğulayıb. Komitədə lavaşın erməni millətinə mənsub olması əvəzinə Ermənistan ərazisində mövcud olması kimi qəbul edilməsi bir daha Ermənistan ərazisində azərbaycanlıların yaşadıqlarını, ermənilərin də bu ənənələri onlardan öyrəndiyini təsdiq etmiş oldu".
Mədəniyyət və Turizm Nazirliyindən əlavə ediblər ki, Komitə çərçivəsində Azərbaycanın təşəbbüsü ilə region ölkələrinin nümayəndələrinin birgə görüşü keçirilib və qərara alınıb ki, növbəti ildə lavaş region ölkələrinin birgə mətbəx irsi kimi UNESCO-ya təqdim edilsin.
Müəllif Hüquqları Agentliyinin sədri Kamran İmanov APA-ya açıqlamasında bildirib ki, "Azərbaycan 2020: Gələcəyə baxış" İnkişaf Konsepsiyasında qanunsuz mənimsəmələrin və əsassız iddiaların qarşısını almaq tələbi də əks olunub: "Əqli mülkiyyət nümunələrinin mərkəzləşdirilmiş şəkildə rəqəmləşdirilməsi, mühafizəsi və xüsusi qorunması nəzərdə tutulub. Bu siyahıya ənənəvi biliklərin növü kimi Azərbaycan mətbəxi də daxildir. Lavaş sözü "aş" sözündəndir və bu sözün etimologiyası türklərlə bağlıdır. Yəni "aşmaq" felindən düzəldilmiş isimdir, xörək hazırlamaq mənasını verir. Bu gün də azərbaycanlılar "qazan aşmaq, qazan asmaq" deyəndə, xörək hazırlamağı nəzərdə tutur. "Aş" sözünün kökündən bir çox sözlər törəyib. Məsələn, qaşıq, lavaş, xəşil və s. Bunlar müasir olaraq qida ilə bağlı terminlərdir. Ermənilər isə lavaşı mənimsəyərək bizim "aş" kökünü götürüb önünə "lav" sözünü əlavə edərək, onu "yaxşı yemək" mənasında verir. Bu isə heç bir məntiqə sığmır. Digər tərəfdən, lavaş təndirdə bişirilir. Ermənilər təndiri də mənimsəyiblər, lavaşı da. "Təndir" sözünün mənasını açıqlasaq, məlum olar ki, nə lavaş, nə təndir ermənilərə yox, türklərə məxsusdur və türk mətbəxinin zənginliyini göstərən sübutdur".
Kamran İmanov əlavə edib ki, lavaş erməni mətbəxi ənənəsindən irəli gəlmir: "Bu, bizim mətbəxin mənimsənilmiş terminini və lavaşın bişirilmə qaydalarını indiki Ermənistan ərazisində yalnız istifadə etməkdir. Kökləri isə türklərin lavaş adı və onun hazırlanma resepti ilə bağlıdır".
Milli.Az
DİGƏR XƏBƏRLƏR
- ARDNŞ-də ağlaya-ağlaya təqaüdə çıxırlar - Deputat
- Xaçmaz sakininin mədəsindən çəngəl çıxdı
- Daha bir qanunsuz tikili söküldü - VİDEO
- “Prius”lar bir gecədə kəskin ucuzlaşdı - Yeni qiymət - FOTO
- Ər və arvada verilmiş hədiyyələr boşanma zamanı geri alına bilərmi? - VİDEO
- Günün qoroskopu: Təxəyyül və gümanlara bel bağlamayın
XƏBƏR LENTİ
- “Crocus”dakı faciə ilə bağlı daha bir nəfər tutuldu
- "Musa mənsiz 1 ilə ölər, onun oksigeniyəm" - VİDEO
- Dani Alves yenidən məhkəməyə verildi - SƏBƏB - VİDEO
- “Üzümdə estetik müdaxilə olsa ...”
- Səmadakı sirli obyekt görənləri heyrətləndirdi - VİDEO
- “Qarabağ” “Zenit”i keçir
- Bu çalaya rast gəlsəniz, dərhal xəbər verin
- “Arif Babayev elçiliyimdə “hə”mi verib” - FOTOlar
- Rusiya XİN-dən İrəvana "qulaqburma"
- “Neftçi” “Qəbələ”yə qalib gəldi
- Dünyanın ən yaxşı xəmir xörəkləri siyahısına düşdü
- Britaniya yüz illik hərbi qadağanı ləğv etdi
- Bürcləri necə aşiq etmək olar? Bunları bilməlisiniz
- Bakıətrafı sərnişindaşıma xidmətinin qismən subsidiyalaşdırılmasına başlanılır
- Rumen Radev İlham Əliyevə zəng edib
- Brilliant Dadaşovanın rəqsi GÜNDƏM OLDU - VİDEO
- Ərdoğan: Türkiyə Qarabağ imtahanından uğurla keçib
- “Tamaşaçılardan üzr istəyirəm, gərək etməzdim”
- Moskvada Timur Myasnikov da güllələnib
- Şvartsenegger əməliyyatdan sonra yeni FOTOsunu paylaşdı
- Aİ-Ermənistan-ABŞ müştərək konfransı Ermənistanı yeni təxribatlara təşviq edə bilər - Ceyhun Bayramov
- Baş nazirin əvəzinə səhvən köməkçisini öpdü - VİDEO
- Cənubi Qafqazda sülh istəməyənlər var - Hikmət Hacıyev
- Sumqayıtda fəhlə işlədiyi zavodda öldü