Bakının "Sovetski" kimi adlanan ərazisi son günlərini yaşayır. Uzun müddətdir söküntüsünə başlanan ərazidə bir çox yerlər uçurulub, sakinlər köçürülüb.Bu yerlərə görə çox dartışmalar, çox mübahisələr getdi, ancaq sonda qərar bir oldu: "Sökülsün"
Qanun yolu ilə evlərini tərk edən də oldu, tabe olmayıb sonacan dişə-diş dartışıb uduzanlar da. Həmin yerlərdən fotolar çəkərkən sanki hər bir döngədən, hər bir küncdən burada yaşayanların bir xatirəsinin hənirtisi duyuldu.
Milli.Az sizə "Sovetski"dən olan son görüntüləri təqdim edir.
Kiminsə xoşbəxtliyi başqasının bədbəxtliyindən doğur...
Bu yol da məhəllənin taleyi kimi dalana dirəndi
Şəhərimizin tarixi beton işğalının qarşısında can verir
Qəmli xatirələr xarabalığa aparır
Sona çatmamış ölən ümidlər...
Bir vaxtlar "sovetski"lilərin öz avtomobillərini bu köşkdəki qarovulçu qoruyardı, özünü isə qoruya bilmədi
Viranə də qalsa, uçurulsa da, öz evi, soyuyan yuvasıdır
Yuxarı aparan pilləkənlə aşağıya
Yol nişanına diqqətlə baxın. "Giriş qadağandır", ancaq çıxmaq olar. Sanki illər əvvəldən bu günə bir ismarış...
Divarlarda sevinc, qəm, unudulmayan həyatın uçulan, yarımçıq izləri
Balasının "görəsən, bizim də evi dağıdacaqlar?" sualı qarşısında aciz ana
Bir zamanlar zəfər, indi isə məğlubiyyət tağları
Bu səhnə nədənsə Varşava gettosunu xatırlatdı...
Ceyhun Ələkbərov
Milli.Az