PUL
Milli.Az Kanal S-ə istinadən bildirir ki, 3 il öncə binanın dam örtüyü yenilənsə də, bu problem həllini tapmayıb. Yağış sularının intensiv olaraq mənzillərə sızması nəticəsində evlərin divarları kif bağlayıb. Otaqlar və içindəki əşyalar yararsız vəziyyətə düşüb, divarların bəzi hissəsi qopub tökülüb.
Şəhərin S.Ə.Şirvani küçəsində yerləşən 5-mərtəbəli binanın dam örtüyündə yaranan problem sakinlərin narazılığına səbəb olub. Bu binanın dam örtüyü 2011-ci ildə baş verən təbii fəlakət zamanı yararsız vəziyyətə düşmüşdü. Çox keçmədən binanın dam örtüyü yenilənib. Ancaq bu, problemi həll etməyib. Səbəb novçaların ensiz və kiçik olmasıdır. Güclü yağış yağdığı zaman bu novçalar suyu ötürmək qabiliyyətində deyil. Nəticədə aşıb-daşan su evlərə dolur. Sakinlər əlaqədar təşkilatlardan problemin həllini istəyirlər.
Şamaxı Mənzil İstismar Sahəsi problemdən xəbərdardır. İdarə rəhbəri növbəti bir həftə ərzində sakinlərin müraciətinə baxılacağını deyir. Sakinlərə isə qalır səbir etmək. Minə dözən min birə də dözər... Verilən vədin doğru çıxıb-çıxmayacağı isə bir həftədən sonra bilinəcək.
Milli.Az
Videonu izləmək üçün şəklə klikləyin.
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.jpg)
.jpg)
