Çatlar, əsasən, çoxdan inşa olunmuş və çiy kərpicdən tikilən evlərdə qeydə alınıb
Sentyabrın 29-u səhər saatlarında respublika ərazisində baş verən zəlzələ Qubanın Xınalıq kəndində müəyyən fəsadlar törədib. Quba rayon icra hakimiyyəti başçısının Xınalıq inzibati dairəsi üzrə nümayəndəsi Fizuli Şərifov bildirib ki, yaşayış məntəqəsindəki evlərdə dağıntı qeydə alınmasa da, 10-a yaxın evin və bir neçə yardımçı tikililərin divarlarında çatlar əmələ gəlib.
Çatlar, əsasən, çoxdan inşa olunmuş və çiy kərpicdən tikilən evlərdə qeydə alınıb. Kənd icra orqanları zəlzələdən ziyan çəkən evlərə baxış keçirib, sakinlərlə görüşüb. Evlərə dəyən ziyan barədə əlaqədar qurumlar məlumatlandırılıb. Quba rayon Fövqalədə Hallar Komisiyasının üzvləri də vəziyyətlə yerində tanış olmaq üçün Xınalıq kəndinə olacaqlar.
Milli.Az