"Bu, hamımızı ağrıdan xəbərə çevrildi. Çünki 23 yaşlı şəhid leytenant Allahverdi Baxışlı haqda xəbər yayılarkən bəlli oldu ki, onun atası da şəhid olubmuş. Bununla da bir nəslin davamı zərbə altına alındı. Onun şəhid övladı, eyni zamanda ailənin tək övladı olması ilə bir ailənin həyatı bitdi".
Bunu modern.az saytına Milli Məclisin Təhlükəsizlik və müdafiə məsələləri komitəsinin üzvü Zahid Oruc şənbə günü şəhid olan Allahverdi Baxışlının timsalında ailənin tək oğlanlarının ön cəbhəyə aparılması məsələsinə münasibət bildirərkən deyib.
"Qanunvericilikdə mütləq dəyişikliklər etməliyik. Zamanında tək övladlı ailələr üçün məsələ qalxanda deyildi ki, bu, on minlərlə insanın hərbi xidmətdən qalmasına səbəb ola bilər. Amma bütövlükdə onları xidmətdən azad etmək yanlışdır".
Z.Oruc hesab edir ki, bu məqam dislokasiyalar üzrə bölgüdə öz əksini tapmalıdır:
"İstənilən şəkildə valideynini itirən ailənin tək övladının ön cəbhədə xidmət məsələsinə mütləq baxmalıyıq. Zənn edirəm ki, Səfərbərlik və Hərbi Xidmətə Çağırış üzrə Dövlət Xidməti bütün çağırışçıların göndərişini həyata keçirərkən belə şəxsləri istisna hal kimi digər siyahılara daxil etməlidir. Onlar cəbhəyanı ərazilərdən 30-40 kilometr uzaqlıqda xidmət etməlidir ki, ailənin çırağı da sönməsin".
Deputatın sözlərinə görə, parlament üzvləri cəmiyyətdən gələn çağırışları dəyərləndirirlər:
"Söhbət ailənin tək övladlarına möhlət hüquqlarının verilməsi, yaxud xidmətə çağırılmamağından getmir. Ailə başçısını itirən, tək övladlı ailələr üçün dəyişikliklər mütləq edilməlidir. Təhlükəsizlik və müdafiə məsələləri komitəsinin üzvü kimi bu məsələni parlamentin növbəti iclaslarında qaldıracağam".
Qarabağ qazisi, tanınmış jurnalist Rey Kərimoğlu da deputatın fikirlərinə dəstək verib: "Allahverdi Baxışlının şəhid olması məni də sarsıtdı, narahat etdi. Düşünürəm ki, qanunvericilikdə bu barədə bir maddə olmalıdır, əgər yoxdursa, bu böyük boşluqdur. Bir övladı olan, atasını itirən çağırışçılar ön cəbhəyə aparılmamalıdır. Atası şəhid olmuşdusa, ön cəbhəyə göndərilməməli idi. Dövlətə yalnız ön cəbhədə fədakarlıq lazım deyil".
Jurnalistin sözlərinə görə, Allahverdi Baxışlı arxa cəbhədə saxlansa idi, onun itkisi bir nəslin tükənməsinə səbəb olmazdı: "Onun ölməsi ilə bir ailə, bir nəsil üzərində faciə quruldu. Bu, yolverilməzdir. Onsuz da, Xocalı soyqırımında, Meşəlidə, Cəmillidə kifayət qədər bütöv nəsillər itirmişik. Hesab edirəm ki, indiki dövrdə evin tək oğlunu ön cəbhəyə yollamaq yolverilməzdir, bu çox ciddi qüsurdur, ciddi səhvdir. Problem aradan qaldırılmalıdır. Bu istiqamətdə müzakirələr aparılmalıdır. Bu zaman mənim də əlimdən gələn varsa etməyə hazıram".
Qeyd edək ki, sentyabrın 27-də erməni silahlı bölmələrinin atəşkəs rejimini pozması nəticəsində Azərbaycan Silahlı Qüvvələrinin zabiti, 1991-ci ildə Hacıqabul rayonunda anadan olan leytenant Allahverdi Baxışlı şəhid olub. O, 1994-cü ildə Ağdam uğrunda gedən döyüşlərdə şəhid olan atası Əbülfəz Baxışlının yeganə davamçısı idi.
Milli.Az
Böyütmək üçün şəkillərə klikləyin.
Cəmiyyət
"Ailənin tək oğlu cəbhə bölgəsinə aparılmamalıdır" - FOTO
29 Sentyabr 2014 17:10
10 Şərh
Baxış: 1 983
DİGƏR XƏBƏRLƏR
- ARDNŞ-də ağlaya-ağlaya təqaüdə çıxırlar - Deputat
- Xaçmaz sakininin mədəsindən çəngəl çıxdı
- Daha bir qanunsuz tikili söküldü - VİDEO
- “Prius”lar bir gecədə kəskin ucuzlaşdı - Yeni qiymət - FOTO
- Ər və arvada verilmiş hədiyyələr boşanma zamanı geri alına bilərmi? - VİDEO
- Günün qoroskopu: Təxəyyül və gümanlara bel bağlamayın
XƏBƏR LENTİ
- Moskvada Timur Myasnikov da güllələnib
- Şvartsenegger əməliyyatdan sonra yeni FOTOsunu paylaşdı
- Aİ-Ermənistan-ABŞ müştərək konfransı Ermənistanı yeni təxribatlara təşviq edə bilər - Ceyhun Bayramov
- Baş nazirin əvəzinə səhvən köməkçisini öpdü - VİDEO
- Cənubi Qafqazda sülh istəməyənlər var - Hikmət Hacıyev
- Sumqayıtda fəhlə işlədiyi zavodda öldü
- Həmid Nurinin oğlu da İsveçdə həbs edildi
- Paşinyanın etirafı: Şahramanyan Ermənistan üçün təhlükə mənbəyidir
- Avropa “Qarabağ”ı gözləyir: Səbət də bəllidir
- Azərbaycan ABŞ-nin birtərəfli mövqeyinə görə məyus olub - Hikmət Hacıyev
- Ağadadaş Ağayevə efirdə imperator titulu verildi - VİDEO
- Сabbar Qaryağdioğluna həsr olunmuş "Xalqin mədəni sərvəti" layihəsi davam edir - FOTO
- Meteohəssas insanlara XƏBƏRDARLIQ!
- "Crocus City Hall"da yaralanan daha bir nəfər öldü
- Kremldən Puqaçova ilə bağlı açıqlama
- ARDNŞ-də ağlaya-ağlaya təqaüdə çıxırlar - Deputat
- Kafe əxlaqsızlıq yuvası imiş - Sahibi cəzalandırıldı
- Fransada güclü qasırğa: nəqliyyat əlaqəsi kəsildi
- Səidənin soyuq havada bulvarda geyimi MÜZAKİRƏ YARATDI - VİDEO
- İrəvan İranın “qırmızı xəttini” zorlayır, həm də tək yox!
- Hərbi qulluqçuların vəzifələri artırılır
- Bakıda məhkum həbsdə öldü
- Qərbin ikiüzlü oyunu - Ermənistan niyə dəstəklənir?
- Ələsgər Məmmədli barədə qərar verildi