Yolda Allah-təala Taluta ilham edir ki, əsgərləri sınağa çəksin və sədaqətli döyüşçüləri xainlərdən ayırsın. Qarşılarına bulaq çıxır. Bu zaman Talut Allahın əmri ilə əsgərlərə tapşırır ki, ya ümumiyyətlə suya əl vurmasınlar, ya da bir ovucdan artıq içməsinlər. Az bir hissədən başqa (deyilənlərə görə onların sayı 313 nəfər idi) hamı sudan doyunca içdi.
Yollarına davam edib düşmən qoşunu ilə üz-üzə gələndə həmin 313 nəfərdən başqa hamı döyüşdən qorxub qaçdı. Allah Taluta və sadiq əsgərlərinə qələbə verdi. "Talut bulağı" ifadəsi haqqı nahaqdan, yaxşını pisdən ayıran meyar, məhək daşı mənasında işlədilir.
Milli.Az