Cəmiyyət

Bakının məşhur otelində biabırçılıq

20 Avqust 2014 13:30
6 Şərh     Baxış: 15 000
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Səhiyyə Nazirliyi "Hyatt Regency"ni dezinfeksiyaya məcbur etdi

Səhiyyə Nazirliyi Sanitar-Epidemioloji Stansiyasının rəhbərliyi dünən baş vermiş insidentdən sonra "Hyatt Regency" otelində hovuzun suyunun tam dəyişdirilməsi və orada dezinfeksiya işlərinin aparılması barədə xəbərə aydınlıq gətirib.

Virtualaz.org saytı dünən otelin hovuzunda iyrənc mənzərə yaranması barədə məlumat yayandan dərhal sonra Səhiyyə Nazirliyinin əməkdaşları ora gedərək qayda-qanun yaratmağa başlayıblar. Halbuki otelin administrasiyası və fitnes-mərkəzin rəhbərliyi gün ərzində inadkarlıq göstərərək hovuzda dezinfeksiya işləri aparmaqdan imtina edirdilər. Nəticədə Sanitar-Epidemioloji Stansiyanın briqadası otelə gedərək hovuzda müvafiq normalar çərçivəsində dezinfeksiya işləri aparıb.

Sanitar-Epidemioloji Stansiyanın rəisinin müavini Vaqif Abdullayev virtualaz.org saytına bildirib ki, "Hyatt Regency" oteli sanitar-epidemioloji normaları pozduğuna görə cərimələnib.

Xatırladaq ki, dünən səhər "Hyatt Regency" otelinin fitnes-mərkəzinin müştəriləri virtualaz.org saytının redaksiyasına müraciət edərək otelin hovuzunun suyunun nəcislə murdarlandığını, mərkəzin rəhbərliyinin isə suyu dəyişməkdən və hovuzu təmizləməkdən imtina etdiyini bildirmişdilər.

Milli.Az
Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.