Cəmiyyət

Elçin Quliyevin iki övladı, Tağı Əhmədovun nəvəsi ali məktəbə qəbul olundular

7 Avqust 2014 18:02
Baxış: 17 702
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
Azərbaycanda ali məktəblərə yerləşdirmənin nəticələri dünən axşam açıqlanandan sonra kimin hansı təhsil ocağında, hansı ixtisasa qəbul olunduğu bilindi. Ali məktəblərə qəbul olunan abituriyentlər arasında tanınmış simaların da övladları az deyil.

Modern.az saytının məlumatına görə, dünən ali məktəbə qəbulun sevincini yaşayan valideynlər arasında Dövlət Sərhəd Xidmətinin rəisi, general-leytenant Elçin Quliyev də var.

Qeyd edək ki, 4 övlad atası olan Elçin Quliyevin bir oğlu və qızı bu il Heydər Əliyev adına Müasir Təhsil Kompleksini bitiriblər.

Məlum olub ki, generalın oğlu Məhəmməd Quliyev Bakı Dövlət Universitetinin hüquq fakültəsinə daxil olub. Qızı Aliyə Quliyeva isə "ADA" Universitetinin tələbəsi adını qazanıb.

Məlumatı Heydər Əliyev adına Müasir Təhsil Kompleksindən də təsdiqləyiblər.

Yeri gəlmişkən, Bakı Metropoliteninin keçmiş rəisi Tağı Əhmədovun nəvəsi də bu il Heydər Əliyev adına Müasir Təhsil Kompleksini bitirərək, ali məktəbə daxil olan abituriyentlər sırasındadır. Belə ki, onun nəvəsi Qəndab Əhmədova Bakı Dövlət Universitetinin hüquq fakültəsinə daxil olub.

Milli.Az
Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.