Üçəmlər gəlişləri ilə başda ailə olmaqla hər kəsin sevincinə səbəb olub.
Milli.Az Kanal S-ə istinadən xəbər verir ki, ailə paytaxtda yaşasa da, doğum üçün onlar Ağsu rayon Mərkəzi Xəstəxanasının doğuş şöbəsinə müraciət ediblər. Doğuşa 15 gün qalmış həkim yoxlanışından keçən ananın çox döllü olduğu müəyyən edilib. Ailə iki övlad gözlədiyi bir vaxtda onlara üçəm xəbəri verilib.
Hər üç uşaq səhər saatlarında dünyaya gəlib. 10 dəqiqə ara ilə normal doğuş keçirən ananın və övladların vəziyyəti yaxşıdı. Ailənin ilk körpələri olan üçəmlər 2 gün sonra evə yol salınacaq. Körpələr bütün tibbi müayinədən keçib və onlar ev şəraitində həftədə bir dəfə həkim tərəfindən yoxlanılaraq nəzarətdə saxlanılacaq.
Milli.Az