Bakı sakininin aldığı qrildən dırnaq çıxıb."5 manatımı geri qaytardılar. Sadəcə istədim ki, insanlara, onları dolandıran muştərilərə hörmət etsinlər"
Bakı sakini Asim Hacıyevin anspress-ə verdiyi məlumata görə, dünən Neapol dairəsində yerləşən "Dadlı Qril" yazılan dükandan aldığı qrili yemək istəyən zaman içində dırnaq tapıb:
"Dərhal qrili aldığım yerə getdim. Verdiyim 5 manatı geri qaytardılar. Satıcı mənə dedi ki, bu toyuğu təmizləyən qadının dırnağıdır. Həmin qadını mənə göstərmədilər".
Paytaxt sakininin sözlərinə görə, məsələ verdiyi 5 manatda deyildi: "Sadəcə istədim ki, insanlara, onları dolandıran muştərilərə hörmət etsinlər. Bir də belə şeyləri təkrar etməsinlər".
Milli.Az