Cəmiyyət

Lerikdə 3 gün davam edən yanğın söndürüldü

24 İyul 2014 12:58
0 Şərh     Baxış: 644
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Yanğın nəticəsində 10 hektardan artıq meşə fondu torpağına ziyan dəyib

İyulun 21-də Lerik rayonunun yüksək dağlıq ərazisindəki bələdiyyə torpağında başlayan, sonradan Lerik Meşə Mühafizəsi və Bərpası Müəssisəsinin Razvandaband meşəbəyliyinin 23A dolayına keçən yanğın iyulun 24-ü saat 12 radələrində tam söndürülüb.

Bu barədə APA-ya Ekologiya və Təbii Sərvətlər Nazirliyinin (ETSN) mətbuat xidmətinin rəhbəri İradə İbrahimova məlumat verib.

İ. İbrahimova bildirib ki, yüksək dağlıq ərazini əhatə etdiyindən və küləklə müşayiət olunduğundan yanğının tam olaraq söndürülməsində çətinliklər yaranıb. ETSN və FHN-in qüvvələrinin səfərbər olunması nəticəsində yanğının söndürülməsinə nail olunub.

Bununla belə yenidən alovlanma təhlükəsi olduğundan bütün ərazi ETSN-in hadisə yerinə cəlb olunmuş əməkdaşları tərəfindən nəzarətdə saxlanılır.

İlkin hesablamalara görə, 10 hektardan artıq meşə fondu torpağına ziyan dəyib.

Yanğının hansı səbəbdən baş verməsi və dəymiş ziyanın həcminin müəyyən olunması məqsədilə araşdırma aparılır.

Milli.Az
Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.