Cəmiyyət

"Sovetski"dən 900 ailə köçmək istəyir

23 Aprel 2014 18:52
1 Şərh     Baxış: 810
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
"Bakının "Sovetski" məhəlləsində öz evlərini müəyyən edilmiş şərtlərlə satmaq istəyən ailələrin sayı 900-ə çatır. Bakının "Sovetski" məhəlləsinin köçürülməsi ilə bağlı yaradılmış Köçürmə Komissiyasının üzvü, Yasamal rayon İcra Hakimiyyəti başçısının müavini Səməd İslamov APA-ya açıqlamasında bildirib ki, Köçürmə Komissiyası həftənin ikinci və üçüncü günü müraciətlərə baxır. S.İslamov deyib ki, dünən Köçürmə Komissiyası yeni müraciətlərə baxıb və dünən də daxil olmaqla, "Sovetski" məhəlləsində köçmək istəyən ailələrin sayı 800-ə çatıb. 648 mənzilin sahibi ilə razılaşma protokolu imzalanıb, onlardan 617 əmlak sahibi ilə müvafiq qaydada alqı-satqı aparılıb, bu şəxslər öz vəsaitlərini bank hesabından götürüblər.

S.İslamov Köçürmə Komissiyasının bu gün də müraciətlərə baxdığını söyləyib: "Bu gün də 80-100 ailənin müraciət edəcəyi gözlənilir. Köçürülmə işləri yalnız könüllülük əsasında, hər kvadratmetr sahəyə 1500 manat verilməsi ilə aparılır". Köçürmə Komissiyasının üzvü söküntü ərazisinə düşən 2860 ünvanda daşınmaz əmlak obyektlərində dəqiq ölçü işlərinin aparıldığını da açıqlayıb.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.