Milli.Az xəbər verir ki, bu sözləri Movqe.az-a açıqlamasında Nəqliyyat Nazirliyinin mətbuat xidmətinin rəhbəri Namiq Həsənov deyib."Paytaxtda sərnişindaşımada daha 30 marşrutda kart sistemi tətbiq ediləcək"
N. Həsənov yaxın iki aya 30 marşrutda sərnişinlərin kart sistemi ilə ödəniş etməsinin reallaşacağını bildirib:
"Hazırda 40 marşrutda kart sistemi tətbiq edilir. Bu xətlərin siyahısına iki aya daha 30 marşrut əlavə olunacaq. Beləcə, kart sisteminin işlədiyi avtobusların sayı 1000-dən çox olacaq. Bizdə olan məlumatlara görə, 10 mindən çox kart vətəndaşlar tərəfindən alınıb. Gündəlik 5-6 min kart istifadədədir. Sistemdə işlər tam başa çatdıqdan sonra nəqliyyatda nağd ödəniş məhdudlaşdırılacaq. Bunun üçün 1500-ə yaxın avtobusda kart sisteminin işləməsi lazımdır ki, bu istiqamətdə də sürətlə işlər görülür. Sistemdə işlər tam başa çatdırıldıqdan sonra nağd ödəmə dayandırılaraq, nəqliyyatda ancaq kartla gediş-gəliş mümkün olacaq".
Milli.Az