Günün qoroskopu: Özünüzü unutmayın

Milli.Az dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir

Qoç - Günün ilk yarısı genişmiqyaslı planların həyata keçirilməsi zamanıdır. Onlar qeyri-adi, maraqlı, hətta ifrat cəsarətli təsir bağışlaya bilər. Planınızı həyata keçirə biləcəyinizə şübhələnməyin. Ciddi maneə və ya ağır problem yaranarsa çözüm yolları arayın. Effektiv davranış strategiyası seçsəniz, böyük uğurlara nail ola bilərsiniz.

Günün ikinci yarısı danışıqlar, müzakirələr, dostlarla ünsiyyət üçün əlverişlidir. Şübhə və nigaranlığınızı bölüşmək üçün etibar etdiyiniz insanı tapa bilərsiniz. Mənəvi dəstəklə yanaşı, yaxşı məsləhət ala bilərsiniz.

Buğa - Asan və xoş gün olacaq. Önəmli hadisələr baş verməsə də, pozitiv emosiyalar yox deyil. İntuisiyanızın səsini dinləyin. Şəxsi münasibətlərdə diqqətli olun. Maliyyə məsələlərində səhvlərə yol verməməyə çalışın.

Pulla bağlı əməliyyatlarda sağlam düşüncəli, məntiqli olun. Tamaha əsir düşməyin.

Günün ikinci yarısında yarımçıq işləri başa vurun. Karyera inkişafı və ya iş yerinin dəyişdirilməsi ilə bağlı planları nəzərdən keçirmək olar. Ev işlərinin öhdəsindən gəlməyə yaxınlarınız yardım edəcəklər.

Əkizlər - Mübahisələrə və dartışmalara qatılmayın. Diskussiya olarsa, konstruktiv məcranı seçin, hisslərinizi cilovlayın. Müzakirələrdə irad və iddia mübadiləsi olarsa yaxşı heç nə əldə edilməyəcək. Məntiqlə davranın, opponentinizin qarşısından geri çəkilməyin.

Təcrübəli insanla söhbətdən faydalı məqamları əxz etmək olar.

Günün ikinci yarısı səfər və ya kommersiya səyahəti üçün uğurlu zamandır. Evdən nə qədər uzaq olsanız, işgüzar duyumunuz bir o qədər iti olacaq. Alış-verişdə bədxərclik etməyin.

Xərçəng - Ən çətin situasiyalarda belə, sakit və soyuqqanlı davranın. Yaxın ətrafınızdakı bəzi adamlar sizi təbdən çıxarmaq üçün sanki qəsdən hisslərinizlə oynayırlar. Amma səbirli olun. Başqalarının emosiyalarına hakim olmayacaqları vəziyyətlərdə tövrünüzü pozmayın.

Günün ikinci yarısı yeni tanışlıqlar üçün pis zaman deyil. İmiclə eksperimentlər apara bilərsiniz. İnteryer, geyim, yaşam şəraitində dəyişikliklər etmək olar.

Şir - Günün əsas problemi emosional fonun səbatlı olmasıdır. Yaxın gələcəklə bağlı narahatlıq üçün heç bir əsas olmasa da, təlaşa qapılıbsınız. Belə davranmayın. Nigaranlıq üçün səbəb yoxdur.

Ünsiyyətdə səmimi olsanız, yeni tanışlar və hətta dost qazana bilərsiniz. İşgüzar tərəfdaşlarla layihəni və ya sifarişi müzakirə edərkən bütün təfərrüatları nəzərə alın. Son vaxtlar sizi narahat edən problemlərdən birini həll edə biləcəksiniz.

Axşam saatlarında sakit istirahəti seçin.

Qız - Günün ilk yarısında kiçik problemlər və anlaşılmazlıqlar yarana bilər. Fəqət saatlar keçdikcə müsbət təmayüllərin təsiri güclənəcək. Əhvalınızı pozmayın. İşlərdə nə isə alınmasa, müşkülü çözməyin yolunu tapın. Məqsədə çatmaq üçün konkret addımlar atın. Praktiki yaradıcılıq üçün əlverişli zamandır. Kulinar eksperimentlər etmək olar.

Rəğbət bəslədiyiniz insan günün ikinci yarısında sizinlə maraqlanmağa başlayacaq. Şansdan yararlanın. Nikbin, şən olun. Qaraqabaqlıq sizə irəliləyiş vəd etmir.

Tərəzi - Günün ilk yarısında müsbət təmayüllərin təsiri güclü olacaq. Situasiyadan yararlanmağa və çoxdan bəri həyata keçirmək istədiyiniz planı reallaşdırmağa çalışın. Təhsil, bilik və dünyagörüşünün artırılması, yeni və faydalı məlumatlar əxz etmək üçün sərfəli zamandır. Kiçik gəlirlər istisna deyil. Bu pullardan yaxınlarınızı sevindirmək üçün yararlansanız, pis olmaz.

Günün ikinci yarısında yaşam tonusunun səviyyəsi bir qədər aşağı düşəcək. İstirahət etməyi, işlərə ara verib bir qədər nəfəs dərməyi unutmayın. Paltar və ya ayaqqabı almaq üçün yaxşı zaman deyil.

Alış-verişdə diqqətli olun. Sizi aldada bilərlər.

Əqrəb - Günü faydalı və gərəkli işlərə həsr edin. Xüsusi əhəmiyyət kəsb edən məsələləri unutmayın. Alış-verişdə simicliyə gərək yoxdur.

Situasiyanın təfərrüatlarını anlamağa çalışın və adekvat addımlar atın.

Sevdiyiniz insanla münasibətlərin sərinləşməsinə, münaqişə yaranmasına imkan verməyin. İnciklik olarsa, güzəştə gedin, barışmağı bacarın. Köhnə dostlarla ünsiyyət axşam saatlarında yaxşı olacaq.

Oxatan - Planlara köklü yeniliklər və ya dəyişikliklər etməyə lüzum yoxdur. Hər şey qaydasındadır, qarşınıza qoyduğunuz məqsədlərə çatacaqsınız. Dostlarla görüş olacaq. Mübahisələrə qatılmayın. Uğurlu ideyalar yarana bilər. Səfərlər pis olmayacaq.

Günün ikinci yarısında ifrat yorğunluq hiss etməyəcəksiniz. Yaşam potensialının səviyyəsi yüksəkdir. Əhvalınızı korlamayın. Uzun müddətdən bəri həllini tələb edən maliyyə məsələsinin çözülməsi, dəyərli hədiyyənin alınması, köhnə borcun qaytarılması mümkündür.

Oğlaq - Gün ciddi sınaqlar və ya ağır problemlər vəd etmir. Xırda çətinliklərin sayı çox deyil. Mühüm işə diqqətlə başlasanız, uğur əldə edəcəksiniz. Biznes və ya kommersiya fəaliyyəti ilə bağlı yeni ideyalar peyda olacaq. Yaxşı düşünün. Əhəmiyyətli gəlir əldə etmək şansının yaranması istisna deyil.

Günün ikinci yarısında köhnə dostlarla görüş olacaq. Vaxtınızı xoş və səmərəli keçirməklə yanaşı, birlikdə həyata keçirə biləcəyiniz plana nəzər salın.

Səfər planlaşdırdığınızdan bir qədər artıq vaxt tutacaq.

Dolça - Günün əksər hissəsi rutin, maraqsız, amma gərəkli işlərin görülməsinə sərf ediləcək. Tanış və dostlarınızı bəzi işlərin başa vurulması üçün ümumi fəaliyyətə cəlb edə bilərsiniz. Tərəfdaşlıq münasibətlərinizin inkişafına müsbət təsir edəcək.

Diqqətli, sərvaxt olun. Ehtiyatlı davranın.

Günün ikinci yarısında xoş sürpriz və ya hədiyyə ilə qarşılaşacaqsınız. Müzakirələr, görüşlər, rəğbət bəslədiyiniz insanla təmaslar üçün yaxşı zamandır. Yaxın gələcəklə bağlı yeni planlar qurmaq olar.

Axşam saatlarında aktiv istirahəti seçin.

Balıqlar - Əlverişli emosional fona malik gündür. Baş verənlərə rəğmən, əhvalınızı pozmayın, bədbinliyə qapılmayın. Yaxın ətrafınızdakı insanların da pessimist fərdlərə çevrilməsinə imkan verməyin. Çətin vəziyyətə düşmüş insanlar sizə üz tuturlar. Onlara ürək-dirək verməklə yanaşı, yaxşı məsləhət və real yardımla da kömək edin.

Günün ikinci yarısında enerji potensialınızın səviyyəsi yüksək olmasa da, özünüzü pis hiss etməyəcəksiniz. Ağır fiziki işlərə qatlaşmayın.

Alış-verişdə simic davranmayın.

Nəqliyyat vasitəsi və ya daşınmaz əmlak almağa hazırlaşa bilərsiniz.

Milli.Az