PUL
Ricət nədir və ricətə inanmayan şiə sayılırmı?
Milli.Az İslam.az-a istinadən bildirir ki, ricət əsasən səfəri məzhəbinə aid olan bir məsələdir. Ərəb dilindən tərcümədə "qayıdış" deməkdir. Bir çox hədislərə görə, dünyanın sonuna yaxın, qiyamətin qopmasından bir qədər əvvəl Allahın əmri ilə bəzi İslam müqəddəsləri və onların düşmənləri dirilib bu həyata qayıdacaqlar. Müqəddəslər vaxtilə öz düşmənlərindən çəkdikləri zülm və əziyyətlərin intiqamını onlardan alacaqlar. Məsələn, İmam Hüseynlə (ə) Yezid və onun əlaltıları ricət hadisəsinin əsas fiqurlarından sayılır.
Həzrət Hüseyn (ə) öz qatillərini məhv edəcək. Buna görə də ricət - qiyamətdən əvvəl ilahi ədalətin kiçik miqyasda təntənəsi kimi qəbul edilir. Ricət hadisəsinin İmam Mehdinin (ə) zühurundan sonra baş verəcəyini yazırlar. Cəfəri məzhəbinə aid kitablarda bəzi Quran ayələri də ricətin doğruluğuna sübut kimi gətirilir. Məsələn, Nəml, 83 və s.
Ricət barədə hədislər cəfəri məzhəbində o qədər çoxdur ki, bəzi alimlər (məsələn, Şeyx Səduq, Şeyx Müfid, Seyyid Mürtəza, Əllamə Təbrisi, Hürr Amuli, Əllamə Məclisi, Əllamə Təbatəbai və b.) bu məsələdə bütün şiə üləmasının icma etdiyini əldə əsas tutaraq, ricəti şiə məzhəbinin əqıdə əsaslarından biri kimi təqdim etmişlər.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.png)
.jpg)
.jpg)
.jpg)
