Cəmiyyət

Azərbaycanda fermerlərə müjdə

16 Aprel 2014 15:40
0 Şərh     Baxış: 431
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Azərbaycanın bütün bölgələrində fermerlərə subsidiyalar veriləcək"

Milli.Az xəbər verir ki, bunu aznews.az-a Kənd Təsərrüfatı Nazirliyi mətbuat xidmətinin rəhbəri Murtuzəli Hacıyev bildirib.

M.Hacıyev deyib ki, 2007-ci ildən başlayan kənd təsərrüfatı məhsulları istehsalçılarına dövlət büdcəsinin vəsaiti hesabına yardım verilməsi prosesi indi də davam etdirilir:

"Bu məqsədlə 2014-cü ildə də kənd təsərrüfatı məhsullarının istehsalçılarına əkin sahəsinin və çoxillik əkmələrin becərilməsində sərf olunan yanacaq və motor yağlarına, həmçinin buğda və çəltik səpininə görə, yardımın verilməsi üçün dövlət büdcəsində vəsait nəzərdə tutulub. Bir neçə gün öncə kənd təsərrüfatı məhsullarının istehsalçısı olan hüquqi və fiziki şəxslərə hər hektar əkin sahəsinin becərilməsində istifadə etdiyi yanacaq və motor yağlarına görə dövlət büdcəsinin vəsaiti hesabına 40 manat yardım verilməsinin təmin edilməsi üzrə Respublika Komissiyasının iclası keçirilib. İclasda fermerlərə hər hektar buğda və çəltik səpininə görə, veriləcək yardım haqqında 58 rayondan (şəhər) daxil olan sənədlərə baxılıb".

M.Hacıyev əlavə edib ki, sənədlər əsasında 149 849 istehsalçıya çatacaq 20 milyon 153 min 483,20 manat məbləğində yardım ayrılması barədə qərar qəbul edilib: "Kənd təsərrüfatı məhsullarının istehsalçılarına yardımın ödənilməsi məqsədilə müvafiq sənədlər Maliyyə Nazirliyinə, "Kapital Bank" ASC-yə və aidiyyəti rayon (şəhər) icra hakimiyyətlərinə göndərilib".

Nazirlik rəsmisi vurğulayıb ki, artıq son məlumata görə, Maliyyə Nazirliyi yerlərə vəsaitin köçürülməsinə başlayıb: "Fermerlər bu günlərdə onlara çatacaq vəsaitləri əldə edə biləcəklər".

Milli.Az
Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.