Qoroskop

Günün qoroskopu: bir müddət tək qalın

10 İyul 2014 00:01
1 Şərh     Baxış: 4 409
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Milli.Az dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir 

Qoç - yaxşı və rahat gündür. Pozitiv emosiyaların sayı az olmayacaq. Lakin problemlər də yox deyil. Diqqətsiz davransanız, yanlış qərarınızın fəsadlarını görəcəksiniz. Alış-verişdə orijinal, ekstravaqant əşyalar alıb sonra həmin nəsnələrlə nə etməyi düşünməyin.

Fikrinə və mövqeyinə xüsusi önəm verdiyiniz insanla münaqişə yaratmayın. Həmsöhbətinizi düşünmədən hər sözü deməyin. Yaşlı qohumlarla münaqişələr istisna deyil.

Buğa - qəfil, gözlənilməz hadisələrlə dolu gündür. Yaşananlar sizi təlaşlandırmasın, narahat etməsin. Situasiyada dürüst yönü tezliklə aşkarlamağa çalışın. Bəzi hadisələr yaxınlarınızı çaş-baş qoya bilər. Yaxın ətrafınızdakı insanları sakitləşdirin, problemlərin həll yollarını göstərin.

Maliyyə məsələləri ilə qərar qəbul etmək, biznesə pul yatırmaq olar.

Dostluq, romantik və ya işgüzar olmasından bilaixtiyar yeni münasibətlərin qeyri-adi formata düşəcəyinə şübhə etməyin. Zərərli vərdişlərdən qurtulmaq olar. Bu, düşündüyünüz qədər çətin deyil.

Əkizlər - səbəbsiz gözləntilər və boş ümidlərə qapılmayın. Çox pul qazanacağınızı düşünüərək avantüraya qatılmayın. Riskli işlər yeni problemlər yarada bilər. Məqsədə çatmaq üçün aktiv çalışın, maneələri dəf etməyə çalışın. Vurnuxmayın, soyuqqanlı və təmkinli davranın.

Sevdiyiniz insanın məsləhətlərini dinləyin. Deyilən sözləri qulaqardına vurmayın. Yalnız özünüzü düşündüyünüzü göstərərək yaxın ətrafınızdakı insanları incik salmayın.

Xərçəng - birmənalı olmayan gündür. Günün ilk yarısında işlərdə ciddi problemlər yaranacaq. Uğursuzluqlar bir-birlərini əvəzləyəcək. Amma ruhdan düşməyin, bədbinliyə qapılmayın. Aktiv olun, müvəqqəti çətinliklər qarşısında geri çəkilməyin.

Tələsməyin, bir qədər gözləyin. Situasiyada köklü dəyişikliklər olacaq. Müsbət təmayüllərin təsir gücü artır.

Günün ikinci yarısı qısamüddətli səfər və ya səyahət üçün əlverişlidir. İşgüzar danışıqlar aparmaq olar. Yeni münasibətlər başlanacaq. Axşam saatlarını qohumlarla keçirin, onlarla ünsiyyətdə qayğıkeş və səmimi olun.

Şir - görüləsi işlər çoxdur. Adi günlərdən fərqli olaraq daha çox çalışmalı olacaqsınız. İşdə həmkarlar və rəhbərliklə münasibətləri rəvan saxlayın. Nüfuzlu və hadisələrə təsir imkanlarına malik hami tapa bilərsiniz. Birgə çalışdığınız insanlarla dil tapın.

Yaxşı tanımadığınız insanlara inanmayın.

Yaşam potensialının səviyyəsi yüksəkdir. Səhhətinizdə problemlər yaranmayacaq. Xroniki ağrıların kəskinləşmə ehtimalı azdır. Enerjinizi yanlış məcraya yönəltməyin.

Axşam saatlarında aktiv istirahəti seçin.

Qız - ehtiyatlı davransanız, gün itkilərsiz olacaq. Sükan arxasında çox vaxt keçirməyin. Mürəkkəb avadanlıq və alətlərlə çalışarkən sərvaxt olun. Sınanmış insanlarla tərəfdaşlıq daha məhsuldar ola bilər. Yeni tanışlıq ehtimalı azdır. Köhnə dostlar özlərini xatırladacaqlar.

Günün ikinci yarısı bilik və bacarıqların artırılması, faydalı təcrübənin əxz edilməsi üçün əlverişli zamandır. Yeni maraqlarınız qarşınızda fərqli perspektivlər yaradacaq. Peşəkar fəaliyyət müstəvisində irəliləyiş istisna deyil.

Tərəzi - yeni layihəyə başlamaq, yarımçıq qalmış işi başa vurmaq üçün əlverişli zamandır. Məqsədə çatmaq üçün diqqəti cəlb edin, müttəfiq və ya tərəfdaşların sayını artırın. Sürətli, çevik davransanız, ən ambisioz planları reallaşdırmaq olar.

Günün ikinci yarısında intuisiyanız kəskin olmalıdır. Parlaq ideyalar, çoxdankı problemlərin orijinal həll zamanıdır. Yaxın ətrafınızdakı insanların gerçək niyyətlərindən xəbər tutmağa çalışın.

Əqrəb - günün ilk yarısı qarışıq zamandır. Problemlərin sayı artacaq. Bir sıra məsələlərin həllinə can atsanız da, çözümü ertələmək gərəkdir. Bütün bunlar əhvalınızı korlayacaq. İşgüzar danışıqlar uzanır. Əsəbiləşərək səhvlərə yol verməyin.

Yaxınlarınızın nöqsanlarını fəlakət kimi qəbul etməyin. Sizin də səhvləriniz və çatışmazlıqlarınız var. Daşınmaz əmlak almaq, köç, evi kirayəyə vermək və ya tam əksinə, kirayə ev aramaq üçün əlverişli zaman deyil.

Oxatan - təfərrüatlarını və ən başlıcası, necə yerinə yetirmək gərəkdiyini anlamadığınız işlə məşğul olmaq məcburiyyətində qalacaqsınız. İlk əvvəl çətin olsa da, sonra proses maraqlı olacaq. Uğurlar da gecikməyəcək. İş bəxtdə, fatumda deyil.

Çətin situasiyada çaş-baş qalmayın.

Qohumlarla ünsiyyət, ailədəki fikir ayrılıqlarının nizamlanması üçün əlverişli zamandır. Bu günədək sizinlə dil tapmayan insanla münasibətləri normallaşdıra bilərsiniz.

Oğlaq - sakit olun, soyuqqanlı və təmkinli davranın. Günü istədiyiniz kimi keçirə bilərsiniz. Emosiyaların təsiri altına düşməyin. Narazılığınızı aşkar izhar etməyiniz səhv olardı. Belə davranışın çoxsaylı mənfi fəsadları ola bilər. İşgüzar danışıqlar uğurlu deyil. Ciddi güzəştlərə getməli olacaqsınız.

Maliyyə itkiləri istisna deyil. Səfərə və ya səyahətə yollanırsınızsa, bilin ki, yol çox vaxt aparacaq. Sənəd itkisi, nəqliyyat vasitəsində nasazlıq ola bilər. Yaxınlarınızla ünsiyyətdə diqqətli olun. Hamı üçün mühüm olan məsələni müzakirə etmək asan deyil. Ortaq məxrəcə gəlmək çətindir.

Dolça - çətin, yorucu, usandırıcı gündür. Ən sadə məsələlərin həlli adi günlərdən fərqli olaraq çox vaxt alacaq. Peşəkar fəaliyyət sahəsində və şəxsi münasibətlərdə çətinliklər yarana bilər. Rəğbət bəslədiyiniz insanlarla münasibətləri korlamayın.

İşdə rəhbərliyin xoşuna gəlməyə, nüfuzlu şəxslə münasibətləri daha da aktivləşdirməyə can atmayın.

Kommersiya fəaliyyəti ilə məşğul olmaq məsləhət deyil. Anlaşma və sövdələşmələrdə maksimal dərəcədə diqqətli olun. Alış-verişdə əsla gərək olmayan nəsnəyə pul xərcləməyin.

Balıqlar - yolunuzda yaranan maneələr və sədləri dəf etmək asan deyil. Peşəkar fəaliyyət müstəvisində problemlər yaranacaq. Həmin çətinliklərin əksəriyyətini əvvəlcədən təxmin etmək mümkündür. İşdə rəhbərliklə dil tapmaq çətindir. Rəhbər qadındırsa, vəziyyət lap ağırdır.

Axşam saatlarında bir müddət tək qalın. İstirahət edin, qüvvələrinizi bərpa edin. Hətta ən yaxın insanlarla ünsiyyət belə, sizi usandıra bilər.

Normal dincəlin.
 

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.