Cəmiyyət

Bakı Slavyan Universitetinin yeni rektoru kimdir? - TƏRCÜMEYİ-HAL

17 Mart 2014 18:44

Baxış: 11 793

#POPULYAR XƏBƏRLƏR #AZERBAİJAN #TƏHSİL

Prezident İlham Əliyev Bakı Slavyan Universitetinə yeni rektor təyin edib

Milli.Az modern.az-a istinadən xəbər verir ki, ölkə başçısının sərəncamı ilə Asif Abbas oğlu Hacıyev Bakı Slavyan Universitetinin rektoru təyin edilib.

Asif Hacıyev 3 aprel 1960-cı ildə Gürcüstanın Borçalı mahalının Sarvan şəhərində anadan olub. 1977-ci ildə Bakı şəhər 246 saylı orta məktəbi, 1982-ci ildə Bakı Dövlət Universitetinin filologiya fakültəsini fərqlənmə diplomu ilə bitirib.

1982-1986-cı illərdə Cəmşid Naxçıvanski adına hərbi liseydə taqım komandiri işləyib, Bakı şəhər Xətai rayon gənc müəllimlər şurasının sədri olub.

1986-cı ildən Mirzə Fətəli Axundov adına Azərbaycan Pedaqoji Rus Dili və Ədəbiyyatı İnstitutunda müəllim kimi fəaliyyətə başlayıb. Gənc alimlər şurasının, Tələbə Elmi Cəmiyyətinin sədri olub.

Rus ədəbiyyatı tarixi kafedrasında müəllim, dosent işləyib. 1992-ci ildən Ədəbiyyat nəzəriyyəsi kafedrasında çalışır, kafedranın professorudur. Ədəbiyyatşünaslığa giriş, ədəbiyyat nəzəriyyəsi, rus ədəbi tənqidi tarixi, poetika, ədəbiyyatşünasliğın tarixi və metodologiyası fənlərindən mühazirələr və xüsusi seminarlar aparır.

1987-ci ildə namizədlik, 1998-ci ildə doktorluq dissertasiyalarını müdafiə edib.

2000-ci ilin may ayından bu günədək Bakı Slavyan Universitetinin tədris işləri üzrə prorektoru vəzifəsində çalışırdı.

Milli.Az