Cəmiyyət

"Azərbaycanlı qızların "boyfriend"ləri yoxdur"

9 Dekabr 2013 18:36
Baxış: 927
"Azərbaycanda erkən nikahla bağlı statistika reallığı göstərir. Yəni biz erkən nikahla bağlı nəyisə gizlətmirik. Avropalılar gedib özlərində bu statistikanı öyrənsinlər. Reallığı əks etdirən statistikanı. Avropada 15 yaşlı qızlar "boyfriend" adı ilə vətəndaş nikahında yaşayırlar. Yaxşı olar ki, Azərbaycanda erkən nikahla bağlı statistikanı açıqlayanlar Avropada "boyfriend" adı ilə vətəndaş nikahında yaşayanların rəsmi qeydiyyatını aparsınlar".

Bu sözləri Movqe.az-a Milli Məclisin sosial siyasət komitəsinin sədri Hadı Rəcəbli BMT-nin xüsusi məruzəçisi Raşida Mancunun ölkəmizdə erkən nikahla bağlı açıqladığı statistikaya və nikah yaşı ilə bağlı səsləndirdiyi fikirlərə münasibətində söyləyib. H. Rəcəbli deyib ki, Azərbaycanda daha nikah yaşını artırmağa ehtiyac yoxdur:

"18 yaşı tamam olan qız fizioloji və bioloji baxımdan nikaha daxil olmaq üçün münasibdir. Biz nikah yaşını daha da artıraraq 18 yaşı tamam olan normal, gözəl-göyçək bir qızın nikaha daxil olmasını 18 yaşda əngəlləyək? Axı nəzərə almırlar ki, azərbaycanlı qızların "boyfriend"ləri yoxdur. Onlar 15 yaşından hansısa oğlanla vətəndaş nikahında yaşamırlar. Hansısa oğlanla oturub-durmurlar. 18 yaşları tamam olanda normal şəkildə, qanunvericiliyə uyğun olaraq nikaha daxil olurlar. Avropalılar birinci getsinlər özlərində vətəndaş nikahı məsələsini tənzimləsinlər. Avropada azyaşlı qızlar hələ məktəb dövründən oğlanlarla cinsi münasibətdə olurlar. Bir neçə il belə, vətəndaş nikahı ilə yaşadıqdan sonra 33 yaşlarında da ailə qururlar. Avropalı qızların "boyfriend"lərinin olduğunu həmin qızların valideynləri də bilirlər. Azərbaycanda erkən nikah hallarında artım yoxdur".

Qeyd edək ki, Azərbaycanda qadınlara qarşı zorakılıq, onun səbəb və nəticələrini araşdıran BMT-nin xüsusi məruzəçisi Raşida Mancunun ölkəmizdə, 2013-cü ildə 5000 azyaşlının erkən nikaha girdiyini açıqlayıb. Onun rəqəmlərinə görə, keçən il bu say 4000 olub. Xüsusi məruzəçi Raşida Mancu zorakılığın səbəbləri və fəsadlarını aradan qaldırmaq üçün siyasi iradə və dövlət, qeyri-dövlət sektorun vəzifəsinin olduqca mühüm olduğunu deyib. "Qadına qarşı zorakılığa insan haqları, vətəndaş və siyasi, iqtisadi, sosial, mədəni haqları prizmasından yanaşmaq lazımdır. Bu kompleks yanaşma olduğu təqdirdə qadınlara qarşı zorakılığın yerli-dibli ləğvi istiqamətində işlərin aparlmasından söhbət etmək olar".

Onun mətbuata təqdim etdiyi rəqəmlər bu sahədə kifayət qədər problemin olduğuna işarədir. Raşida Mancu erkən nikahların əsasən cənub bölgəsinə xas olduğunu deyib. Ailə Qadın və Uşaq Problemləri Üzrə Dövlət Komitəsi isə problemin mövcud olduğunu, lakin heç də BMT məruzəçisinin təqdim elədiyi rəqəmlər kimi olmadığını deyir. Komitədə hesab edirlər ki, BMT bu rəqəmləri şişirtməklə öz mənafeyini güdür. Bu sahəni diqqətdə saxlayan Təmiz Dünya İctimai Birliyinin sədri Mehriban Zeynalova isə hesab edir ki, bu sahəni tənzimləyən qanun var və dövlət komitəsi də qanunun işləməsinə çalışmalıdır.

Reallıq isə onu göstərir ki, erkən evliliklər hər bir fərd üçün müxtəlif səviyyələrdə fiziki və mənəvi, təhsil yönümlü, sosial-iqtisadi, eləcədə qızlara reproduktiv sağlamlıq baxımından ciddi ziyan vurur. Ölkə qanunlarına əsasən, qadın 17 yaşı tamam olmamış ərə gedə bilməz. UNİCEF isə bu yaş həddini 18-ə kimi artırmağa səsləyir. Bu həmçinin Uşaq Hüquqları Konvensiyasına da uyğundur.

Milli.Az

Məqalədə:

Şərhlər:

  • Anonim
    Anonim · 10 Dekabr 2013 11:51

    tesekkurler Hadi bey/ cox dogru buyurursunuz... ancaq etiraf edek ki bizde boyfrendi olan qizlara pozgun gozu uile baxilir... mence bu gozel bir dusuncedi. cunki bizim exlagimiza uygun deyil

    Cavab yaz
  • Anonim
    Anonim · 10 Dekabr 2013 11:55

    basa dusunki qadinda insandir baxin qizlar artiq yetkinlik yasinda evlenirler buda onlari ucuruma aprir cunki ya oglanla olmalidt yada aile qurmalidir sonda bosanma.hiss onlari buraxmir.basa dusdunuz

    Cavab yaz
  • Anonim
    Anonim · 10 Dekabr 2013 12:16

    dogrudanda qizlarin orta mektebde oxuyan zaman oglani olmalidr cunki geleceyi daha yaxsi olar.tez aile qurmaz oz karyerasini qurar avropada beledir.biz aile qururlar ona goreki artiq qizlar azad deyil tezde bosanirlar.biz hele ora catmamisiq pis baxirlar

    Cavab yaz
  • Anonim
    Anonim · 10 Dekabr 2013 12:42

    bizim qizlarin boyfredine pis baxirlar amma hecde pis deyil.buna suur lazimdir.pis baxirlarsa onda qizlarin azadligi yoxdur.cox gozel seslendirmisiniz raziyiq sizden

    Cavab yaz