Cəmiyyət

Avtomobilin radara düşməsini necə öyrənmək olar?

12 Dekabr 2012 01:00

6 Şərh Baxış: 282 203

VTB-də minimal faiz dərəcəsi ilə nağd kredit 9.9%-dən

Sürücülərin Milli.Az-a etdiyi müraciətlər belə düşünməyə əsas verir. Sürücülər saytımız vasitəsilə avtomobilin radara düşməsini necə müəyyən etməyi öyrənmək istəyir.

Baş Dövlət Yol Polis İdarəsinin ictimaiyyətlə əlaqələr şöbəsinin rəisi Kamran Əliyev Milli.Az-a açıqlamasında bildirdi ki, radara düşən avtomobil avtomatik rejimdə işləyən cihaz vasitəsilə qeydə alınırsa, bununla bağlı elektron protokol tərtib olunur və həmin sürücünün ünvanına göndərilir. Bundan başqa vətəndaşa telefon və digər əlaqə vasitələri vasitəsilə məlumatlar verilə bilər.

Şöbə rəisi qeyd etdi ki, vətəndaşın radara düşməsini ona məlumat verilməmişdən əvvəl yoxlaması çətindir: "Ölkənin müxtəlif yerlərində yüzlərlə radar var. Nə bilmək olar ki, hər hansı maşın harada radara düşüb. Gərək bütün radarlardan məlumat əldə edəsən. Ancaq avtomobil radara düşən kimi ona məlumat verilir".

Anar Məmmədov

Milli.Az