Şou-biznes

"Polad Bülbüloğlu zəng etdi ki..." - Faiq Ağayev - FOTO

1 Dekabr 2016 16:40
5 Şərh     Baxış: 3 305

Heç vaxt media üçün qapalı konsert verməmişəm. İl ərzində haqqımda xəbər yazan, konsertimi işıqlandıran media nümayəndələrini tədbirimə dəvət edəcəm, gəlib istirahət etsinlər.

Milli.Az xəbər verir ki, bu sözləri axşam.az-a açıqlamasında xalq artisti Faiq Ağayev deyib. Müğənni son günlər gündəmdən düşməyən "müğənni-jurnalist" qalmaqalına münasibət bildirib. 

F.Ağayev sənətçilərin böyük tədbirlərini mediaya qapalı etmələrinin tərəfdarı olmadığını vurğulayıb:

"İnsanın öz qərarıdır. Tədbir edəndə hər şeyi ölçüb-biçməlidir. Mənim tədbirim başqalarınınkından fərqlidir. Onlar etdiklərini məndən, mən də etdiyimi onlardan tələb edə bilmərəm. 28 ildir səhnədəyəm, bir prinsipim var ki, jurnalistlər dostumdur. Qapalı konsert nədir, başa düşmürəm. Qapalı ad günü keçirərlər. Bu, normal haldır. Konsertə gəlmək, izləmək və məlumat almaq isə jurnalistin haqqıdır. Mənim üçün jurnalistlər bir növ "termometrdir". Çünki cəmiyyətin münasibətini, əhvalını bildirən jurnalistlərdir".

"Made in Azerbaijan" adlı solo konsertə hazırlaşan F.Ağayev yeni mahnılar üzərində çalışdığını söyləyib:

"Konsertdə 23 mahnı səslənməlidir. Yenidən aranjman etdirdiyim iki hit mahnım var. Tamaşaçılar radioda, televiziyada eşitdiklərini dinləmək istəyirlər. Ona görə də mahnıları çox dəyişdirə bilmirik".

Müğənni "İfaçılar fəxri ad alandan sonra arxayınlaşıb, heç nə etməməlidir? Ümumiyyətlə, fəxri adlardan sonra bir çoxları səmimiyyətini itirir" sözlərinə belə cavab verib:

"2008-ci ildə xalq artisti adını alanda dəyərli Polad Bülbüloğlu zəng etdi ki, işləməsən, bu ada layiq olmayacaqsan. Bu ad bu günə kimi etdiklərin yox, bundan sonra etdiklərinə də aiddir. Ona görə də "mən xalq artisti oldum, heç nə etməyim" prinsipi olmaz. Səmimiyyətin qorunması fəxri adla bağlı deyil. İnsan fəxri ad alıb dəyişməyə, fəxri ad almayıb dəyişə də bilər".

Milli.Az

Məqaləyə dair fotomateriallar:

DİGƏR XƏBƏRLƏR

Şərh yaz:

5 Şərh:

  • Anonim
    Sirli Melek · 1 Dekabr 16:5340

    Faiq her zaman ferqlenir. Musahibe verende cox agilli cavablar verir.

    Cavab yaz
  • Anonim
    Esl adam · 1 Dekabr 18:1321

    Get,evvel oxumaq ve senet oyren.

    Cavab yaz
  • Anonim
    Eldar · 1 Dekabr 18:1511

    Çox düz yazırsınız Faiq çox savadlı mügəndi

    Cavab yaz
  • Anonim
    --- · 1 Dekabr 20:2500

    Beli fexri ad alib deyiwmek,amma bawqa cur deyiwir bezileri

    Cavab yaz
  • Anonim
    GULLER XANIM · 1 Dekabr 21:3010

    Tebrikler FAYIQ BEY

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.