"Ancaq işləmişəm, ölürəm"
ARB Ulduz-un efirində yayımlanan "Şou məkan" verilişində şou-biznes ulduzları yayı harada və necə keçirmələri haqda danışıblar.
Elton Hüseynəliyev: "Yayı Bodrumda keçirdik. Anam, qaynanam, yoldaşım, uşaqlarım - yayı birgə keçirdik. Oradan da İstanbula getdik. Çünki anam İstanbulda olmamışdı. Daha sonra isə öz rayonlarımıza getdik".
Ayaz Qasımov isə Gürcüstanda istirahət etdiyini bildirib: "Gürcüstandan əlavə öz bölgələrimizdə də dincəldik. Qaxda, Qəbələdə, İsmayıllıda".
Elçin Cəfərov: "Antalyada keçirdim yayı. Qayıdandan sonra Zaqatala, Qəbələ kimi rayonlarda oldum".
Nazim Məmmədov: "Yayın çox hissəsini öz gözəl guşələrimizdə keçirdim. Bir həftə isə Türkiyədə oldum".
Məleykə Əsədova isə qonşu ölkələrdə istirahət fikrini birdəfəlik beynindən ataraq okeanın o tərəfində dincəldiyini bildirib: "Haitidə istirahət etdim. Las-Veqasda da bir müddət istirahət edərək okean ətrafında dincəldim".
Faiq Ağayev işlərinin çox olduğundan Bakıdan kənara çıxmadığını qeyd edib: "Ona görə Bakıda qaldığım halda bir neçə dəfə dənizə gedib dincəldim".
Sevil-Sevinc bacıları da ancaq iş olduğu üçün heç yerə getmədiklərini deyiblər.
Günay İbrahimli həmkarlarından fərqli olaraq bu yayı çox gözəl keçirdiyini bildirib: "Həm Bakıda, həm də Türkiyədə istirahət etdim. Keçən ildən fərqli olaraq. İndi isə tam gücümlə çalışıram".
Rəqqasə Fatimənin başı işdən açılmadığı üçün istirahət yerini də açıqlamaq istəmirdi: "Ancaq işləmişəm. Yorğunluqdan ölürəm. Amma ailəmlə birgə bir həftəlik İstanbulda istirahət etmişəm".
Emil Bədəlov da həmkarlarına söz ataraq istirahət yerini bildirib: "Dədə-baba" adəti ilə mən də Antalyada".
Milli.Az
Videonu izləmək üçün şəklə klikləyin: