"Nailə Mirməmmədlidən yeni lirik mahnı almışam. Məşq edirəm, yaxın günlərdə aranjmana verəcəm".
Milli.Az bildirir ki, bu sözləri axşam.az-a açıqlamasında müğənni Samira Allahverdi deyib.
İfaçı bildirib ki, bir neçə yeni mahnı üzərində çalışır:
"Ruhumu oxşamayan mahnını oxuya bilmərəm. Bir də təkrar mahnıları səsləndirməyi sevmirəm. Ən yaxşısı keçmiş mahnılara müraciət edərəm. Bu yaxınlarda məşhur "Ayrılıq" mahnısını da oxuyacağam. Əslində kədərli mahnıdır, amma gözəldir. Onu oxuyan kimi hamı zümzümə etməyə başlayır.
Növbəti mahnım isə xaricdə yaşayan soydaşlarımız üçün olacaq".
S.Allahverdi yaxın rəfiqəsi, əməkdar artist Röya Ayxanla yenidən duet oxuyacaqlarını söyləyib:
"Biz Röya ilə görüşməsək də, tez-tez telefonla danışırıq. Özü Bakıda az olduğu üçün görüşə bilmirik. Biz dostluğu aşkara çıxarmaq üçün etmirik. Özümüz üçün münasibətimiz var. İkinci dəfə də duet oxumaq istəyirik. Sadəcə, yaxşı mahnı tapa bilmirik. Röya özü də deyib ki, yenə duet oxuyaq. Bəstə seçimində çox xırdaçılıqlar edirəm. Mahnı səsimizə uyğun olmalıdır".
Milli.Az