Aparıcı Zaur Kamal Xəzər Televiziyasının canlı yayımında xalq artisti İlhamə Quliyevanın sirrini açıb.
Publika.az xəbər verir ki, aparıcı canlı yayımda primadonnanın vaxtilə ona etdiyi telefon zəngini xatırlayıb:
"Bir dəfə xalq artisti Məleykə Əsədova verilişimdə İlhamə xanımın bir mahnısını oxumuşdu. Verilişdən sonra İlhamə xanım mənə zəng elədi və dedi ki, Zaur, niyə o mənim mahnımı oxudu?
Dedim ki, ay İlhamə xanım, o aktrisadır, müğənni deyil, indi bir dəfə ürəyindən keçib, oxuyub. Dedi ki, mən icazə vermirəm, oxumasın. Həmişə deyirdi ki, mənim mahnılarımı oxuya bilən oxusun".
Milli.Az