Şou-biznes

Oksana ilə Natavanın küsülü olmasının səbəbi bilindi

23 Avqust 2016 10:52

4 Şərh Baxış: 3 636

#ŞOU-BİZNES #SOSİAL ŞƏBƏKƏLƏR #MÜĞƏNNİ

Prodüser Tarix Əliyev (Tolik) rəqqasə Oksana Rəsulova ilə müğənni Natavan Həbibinin küsülü olmasının səbəbini açıqlayıb.

"Bunu yazmağı özümə borc bildim. Oksana Rəsulova və Natavan Həbibi illərlə yaxın rəfiqə idilər. Mənim Natavanla iki il ərzində davalarımda Oksana hər zaman öz rəfiqəsinin tərəfini saxlayaraq, mənimlə münasibətləri pozdu. Bu normal haldır. Amma Natavanla mən barışanda bunu Oksana qəbul etmədi".

Milli.Az axşam.az-a istinadən xəbər verir ki, bu sözləri Tolik İnstaqram səhifəsində yazıb.

Prodüser eyni zamanda xalq artisti Aygün Kazımova ilə illərdir küsülü olan rəqqasənin barışmasına münasibət bildirib:

"Bu gün mən Oksana ilə danışıram, bu yaxınlarda mənə onu reklama çəkmək istədiklərini dedilər. Mən də Oksanaya zəng vurub, onu onlarla görüşdürdüm. İndi Oksana Natavanla danışmır, bu onların işidir.

Bəziləri boş-boş danışmasın ki, Oksana Natavanın acığına Aygünlə barışıb. Oksana heç vaxt Aygün Kazımova ilə Natavandan yaxın rəfiqə ola bilməz. Aygün Kazımovanın belə reklama ehtiyacı yoxdur. Bir konsertdə çıxış etmək (Oksana pulunu alıb, Rəhim Rəhimli ilə bir mahnı oynayıb) çox şey demək deyil. Bəlkə, Rəhimin yeni iddiasıdır: konsertdən qabaq gündəm. Yenə də inanmıram. Nəyin nə olduğunu yaxşı bilirəm.

Bu şou-biznesdə kimlərinsə hesabına konsertlər verib, sonra onun düşmənləri ilə rəfiqə olanlar gördük. Siz bilməsəniz də, mən bunların ağını da, qarasını da bilirəm. Sözü olan nömrəmi bilir, mənə yığa bilər".

Milli.Az