Şou-biznes

"4 min ödədim ki, adım pis müğənnilər siyahısında olmasın" - FOTO

24 May 2016 14:17
6 Şərh     Baxış: 3 022
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Müğənni Nadir Qafarzadə Vergilər Nazirliyinin sənətçilərin toy sayını və qonorarını gizlətməsi iddiasına cavab verib. 

Milli.Az axşam.az-a istinadən bildirir ki, açıqlama verən ifaçı özünü nümunəvi vergi ödəyən müğənni adlandırıb:

"Toylar, demək olar ki, yoxdur. Restoranlarda kamera var, necə gizlədə bilərəm? Nümunəvi vergi ödəyən üç müğənnidən biriyəm. Bunu nazirlik də təsdiqləyə bilər. Toyum olmadığı halda 2016-cı il girəndən 4 min manat vergi ödəmişəm. Bunu edirəm ki, adım pis müğənnilər içində olmasın".

Bu yaxınlarda bağ evini satan N.Qafarzadə ikinci oğlunun universitetə hazırlaşdığını deyib:

"Böyük oğlum xaricdə oxuyur, ikinci isə bu il məktəbi bitirir. Onun da xaricdə təhsil almasını istəyirəm. İstəyirəm, oğlum iqtisadiyyatçı olsun. O bağda çox əziyyət çəkmişdim: daşını özüm qoyurdum, ağaclarını əkirdim. Kividən tutmuş, banana kimi əkmişdim. Zaman gəldi ki, bağım mənə kömək oldu, satdım, ehtiyacımı ödədim. Bağsız yaşaya bilərəm, övladımın savadsız olmasına dözmərəm".

Müğənni bu yay dincəlməyəcəyini də bildirib:

"İyundan gərgin iş rejiminə başlayıram. ATV-də "Azərbaycanın səsi" başlayır. Burada həm böyüklər, həm də kiçiklər olacaq. 4 ay istirahətsiz qalacam".

Digər maqazin və maraqlı xəbərləri oxumaq üçün Milli.Az Şou Facebook səhifəmizə üzv olun.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.