"Eurovision 2016" mahnı müsabiqəsində ölkəmizi təmsil edən Səmra Rəhimlinin geyimi, oxuduğu "Miracle" mahnısı neçə gündür sosial şəbəkədə müzakirə obyektinə çevrilib. Kimi müğənninin mahnısında muğamdan istifadə etmədiyini, kimi çarxda milli adət-ənənələri əks etdirən amillərin yer almadığını qınayıb.
Milli.Az axşam.az-a istinadən xəbər verir ki, açıqlama verən müğənni-bəstəkar Murad Arif Səmra ilə bağlı fikirlərini bölüşüb. İfaçı təmsilçimizin çıxışını bəyəndiyini bildirib:
"Gözəl Səmramızın mahnısı qəşəng idi. Həm də bizim qız səhnədə sanki daha da canlandı və şəxsən mənə maraqlı gəldi. İstəsək, onluğa da düşə bilərik. Dilarə Kazımova ("Start a fire"), Elnur Hüseynov ("Hour of the wolf"), Eldar Qasımov və Nigar Camalın ("Runninng scared") nömrələrinə baxanda Səmranın çıxışı daha parlaq idi. Qalibiyyətə gəldikdə isə... Buna inanmıram".
Digər şou-biznes və maraqlı xəbərləri oxumaq üçün Facebook səhifəmizə üzv olun.
Milli.Az