Şou-biznes

Azərbaycanlı aparıcı: "Mən ayrı tərbiyə almışam"

12 Mart 2016 12:24

8 Şərh Baxış: 3 298

#ŞOU-BİZNES #TELEVİZİYA

"Tezdən oyan" verilişinin aparıcısı Fira başqalarının fikrinə önəm vermədiyini bildirib.

Publika.az-a açıqlamasında düşüncəsini belə izah edib:

"Ətrafdakı insanların dedi-qodusu məni narahat edir. İnsan nə qədər onun-bunun fikri ilə oturub-durmalıdır? Böyüklərimiz, ağsaqqallarımız var. Onların fikrinə diqqət etmək lazımdır. Amma nə vaxta qədər həyatımızı "Başqaları nə deyər?" fikri üzərində qurmalıyıq? Niyə öz fikrimi, öz istəyimi əsas götürməməliyəm? Heç övladlarımızı da məcbur etməli deyilik.

Niyə uşağım mənə deməlidir ki, sən məni məcbur etmisən. İnsan öz həyatını idarə etməlidir. Mən ayrı tərbiyə almışam. Uşaqlıqdan qərarlarımı özüm verirəm. Uşaq olsam da, nə geyəcəyimi belə özüm müəyyənləşdirirdim.

Uşağımı da belə böyüdürəm. 4 yaş yarımlıq oğlum da seçiminə uyğun geyinir. Saç stilini belə özü müəyyənləşdirir. Mən onu yeməyə də məcbur etmirəm. Acdırsa, yemək verirəm. Gələcəkdə də belə olacaq".

Milli.Az