Müğənni İzzət Bağırzadə "Hər şey daxil" verilişinin qonağı olub.
Axşam.az-ın məlumatına görə, aparıcılar Sevil və Sevinc bacıları ifaçıya gözlənilməz sual ünvanlayıblar.
İ.Bağırzadə "Ən qalmaqallı duetiniz Sevda Sanəliyeva ilə olub. Söz-söhbət yaranmışdı ki, aranızda sevgi yaşanıb. Bəlkə gənc və yaraşıqlı olduğunuz üçün insanlar sizi bir-birinizə yaraşdırırdılar. Hətta o xanım açıqlama vermişdi ki, siz ona rəqsi qadağan etmisiniz" sözlərinə belə cavab verib:
"Rahidə Baxışla da duet oxuyanda belə söhbət çıxmışdı. Bu duetimiz daha qalmaqallı olmuşdu. Sevda ilə duet oxuyanda internet inkişaf etmişdi. Ona görə də dedi-qodu çox yayıldı. Hətta eşitmişdim ki, guya Sevdanı oynamağa qoymuram. Mən ona demişdim ki, "Ən yaxşısı odur ki, sən oxu, səsin gözəldir. Sadəcə, dost kimi məsləhət vermişdim".
Milli.Az