Ötən həftələrdə Brilliant Dadaşova ilə sözü çəp gələn Nisə Qasımova həmkarı ilə münasibətində buzları əridib. Hətta onu yeni verilişində qonaq görmək istədiyini də söyləyib.
Gecce.az xəbər verir ki, Nisə xanım ATV Maqazin verilişinə mövzu ilə bağlı bunları deyib:
"Mən heç kimlə düşmənçilik etmirəm. Brilliant Dadaşova verilişimdə niyə də qonaq olmasın? Brilliant xanım deyib ki, mən Nisə xanımdan küsməmişəm. Bu küskünlük deyil. Mən belə bir ifadə işlətmişdim ki, mübahisədirsə mübahisə, müharibədirsə müharibə olsun. Mənim həddim deyil ki, küsülü olduğum şəxsi verilişə dəvət edib, ona nələrsə deyim. Mənim incikliyim olub, düzdür. Çox şeylər var, bu gün dilimə gətirmək istəmirəm. Demirəm ki, barışmayacam, o da deməsin. Həyat bizi elə anda qovuşdurar ki, biz istəməsək də məcbur olub barışa bilərik. O namərdlik deyil, mərdlikdir."
Milli.Az