"Star life" verilişi müğənnilər arasında sorğu aparaq, onların özləri haqqında eşitdikləri dedi-qoduları soruşub.
Axşam.az həmin sorğunu təqdim edir:
Müğənni Sevda Yahyayeva - Bir ara deyirdilər ki, Sevdanin saçı yoxdur, keçəldir. Saçlarım qalın deyil. Arada qaynaq etdirirəm, amma çox vaxt öz saçımdır.
Müğənni Xatun Əliyeva - Deyirlər ki, qabırğalarını çıxartdırıb, beş evi var, gözəllik salonu açıb.
Müğənni Emil Bədəlov - Deyirlər ki, guya, maşın alverçisiyəm.
Müğənni İlhamə Qasımova - Deyirlər ki, uşağım var. Hətta xalamla mübahisə edirdilər ki, evdən gizlədir, varıdır.
Meyxanaçı Namiq Qaraçuxurlu - Yayılmışdı ki, Namiqi polis saxlayıb, İlhamə Quliyeva onu azadlığa buraxdırıb. Niyə olmuşdu, yadımda deyil.
Müğənni Roza Zərgərli - Demişdilər ki, Roza xərçəng xəstəliyinə tutulub, ölkədən qaçıb, müflis olub.
Xanəndə Elnarə Abdullayeva - İlk vaxtlar xəbər yayılmışdı ki, bu qız kordur. Oxuyanda gözümü yumurdum deyə, elə düşünürdülər. Gah da dedilər, ana-atası yoxdur, qardaşı şəhid olub.
Müğənni Çingiz Mustafayev - Söz yayılmışdı ki, 200 minə maşın almışam. Çox sevinmişdim.
Müğənni İzzət Bağırzadə - Bir dəfə kanalların birində qonaq idim. Verilişin rejissoru məni görəndə təəccübləndi. Deyir ki, xəbər yayıblar ki, "İzzəti restorandan çıxanda güllələyiblər".
Müğənni Gülay Zeynallı - İnstaqramda şəkil paylaşmışdım. Bir-iki xanım yazdı ki, botoks etdirmisiniz? Çox pis olmuşdum.
Müğənni Zamiq Hüseynov - Əvvəllər daha çox dedi-qodular yayılırdı. İndi yoxdur.
Müğənni Niyam Salami - Məni şoka salan söhbət saçıma rəng qoymağım, makiyaj etməyim idi.
Müğənnilər Sevil və Sevinc - Demişdilər ki, "Əkizlərin qarajda "Bentley"si var".
Milli.Az