Şou-biznes

Nyuşa Bakıya səfərindən öncə tanınmaz dərəcədə dəyişib - FOTO

29 Avqust 2015 15:08
4 Şərh     Baxış: 3 210
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Milli.Az Trend-ə istinadən xəbər verir ki, Rusiya estradasının ulduzu Nyuşa pərəstişkarlarını yeni obrazı ilə sevindirmək qərarına gəlib. Müğənni və bəstəkar 25 illik yubileyində uyğun geyim və aksessuarlardan istifadə etməklə hind filmlərinin qəhrəmanına çevrilib.

Müğənni istehzalı "Karmaya doğru 25 il" adlı təmtəraqlı əyləncə gecəsi təşkil etməklə Moskva restoranlarından birində yubileyini qeyd edib.

Ziyafət hind üslubunda keçib və ab-havasına görə, həqiqətən şərq nağılını xatırladıb. Dəvət olunan bütün qonaqlar Nyuşanın sonuncu "Sən hardasan, mən də ordayam" klipində geyindiyi libaslara oxşar hind kostyumlarında gəlib. Gecənin ən böyük sürprizi hind yoqlarının ən qədim monax nəslinə aid olan Babaci Şri Mahant Dayanand Purinin təşrif buyurması olub. Tədbir isti və səmimi ab-havada keçib.

Xatırladaq ki, sentyabrın 26-ı saat 20:00-da Heydər Əliyev sarayında Nyuşanın yeni "Birlik!" proqramı ilə ilk solo konserti keçiriləcək.

Bakı tamaşaçıları tamamilə yeni Nyuşanı görəcək, onun super hitlərini və əlbəttə ki, yeni mahnılarını eşidəcəklər.

Qeyd edək ki, proqramın premyerası 2013-cü il noyabrın 2-də Moskvanın "Crocus City Hall" konsert zalında baş tutub. 2014-cü il aprelin 26-da isə Moskvanın "ARENA MOSCOW" konsert zalında yeni "Birlik!" CD-albomun premyerası keçirilib.

Pərəstişkarlarının çoxsaylı xahişi ilə müğənnini bu proqram ilə başqa şəhərlərə qastrol turu başlayıb. Nyuşa və komandası böyük solo konsertlə ilk dəfə füsunkar Bakıya gəldikləri üçün çox məmnundurlar.

Biletlərin qiyməti: 29-169 manat.

Biletlərin telefonla sifarişi və çatdırılması: 0502265033

Konsertin informasiya dəstəyi: Trend, Day.Az, Milli.Az.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.