Şou-biznes

Gülay klipində tərəfmüqabili istəmir. Səbəbi... - FOTO

29 Avqust 2015 12:40

24 Şərh Baxış: 4 803

Müğənni Gülay Zeynallı sözləri Qənirə Paşayevaya, musiqisi isə Aynur Adilqızına aid olan "Sevgilim" adlı mahnıya klip çəkdirib.

Milli.Az xəbər verir ki, o, publika.az-a açıqlamasında bildirib ki, "Sevgilim" adlı həzin mahnısı hələ heç yerdə səslənməyib. Mahnı tamaşaçıya kliplə birgə sentyabr ayında təqdim ediləcək.

Gülay Zeynallının retro tərzində çəkilən yeni klipində tərəfmüqabili olmayacaq. Bunun səbəbini müğənni klipdə süjet xəttini sevmədiyi və sakit bir klip istəməsi ilə əlaqələndirib.

Bir çox müğənnilərdən fərqli olaraq, Gülay Zeynallı yeni klipini yerli rejissora - Samirə Xasməmmədovaya həvalə edib:

"Samirə xanım əjdaha kimi rejissordur, onun işini çox bəyənirəm. Ona görə də xarici rejissorlara müraciət etməyə ehtiyac görmədim".

G.Zeynallının sözlərinə görə, hazırda həm də albom üzərində çalışır. Müğənninin yeni albomu İstanbulda hazırlanır. Gülay Zeynallı konsert verməyi planlaşdırdığını da söyləyib.

Milli.Az