ANS-də yayımlanan "Bazar səhəri" verilişinin sonuncu buraxılışı yayımlanıb.
Axşam.az-ın məlumatına görə, bu haqda aparıcılar Kamran Həsənli və Rövşanə Ağasəfqızı xəbər veriblər.
K.Həsənli yay istirahətinə yollanacağını bildirib:
"Mövsümün son verilişidir. Biz də dincəlməyə gedirik. Maşınla gedəcəm. Əvvəl Gürcüstan, sonra Türkiyəyə yollanacam. Əgər viza ala bilsəm, Yunanıstana da gedəcəm. Maşınla yol getməyi sevirəm. Harada istəyirəmsə, orada da qalıram. Həyat yoldaşım da yanımda olacaq".
R.Ağasəfqızı sentyabrda yeni layihə ilə ekrana qayıdacaqlarını vurğulayıb:
"Sentyabrda yenidən görüşəcəyik. Bu dəfə yeni layihələrlə gələcəyik. Tam fərqli formatda tamaşaçıların qarşısına çıxacağıq. Mən də dincəlməyə gedəcəm. Amma uzaq yolda maşın sürməyi sevmirəm. Təyyarə ilə getmək yaxşıdır".
Milli.Az