Şou-biznes

Sima Türkiyənin efirindən qovuldu? - VİDEO

30 May 2015 14:52

46 Şərh Baxış: 11 570

#ŞOU-BİZNES #VİDEO #TÜRKİYƏ

Aparıcı azərbaycanlı iştirakçının diskvalifikasiya edildiyini açıqlayıb

Azərbaycanlı iştirakçı Türkiyənin ən məşhur yarışından uzaqlaşdı. Anspress-in məlumatına görə, "İşte Benim Stilim"in aparıcısı ötən gün 19 yaşlı Sima Şərafətdinovanın diskvalifikasiya edildiyini açıqlayıb.

Aparıcı Öykü Serter seçim mərhələsindən öncə Simanın yarış qaydalarına uyğun hərəkət etmədiyini açıqlayıb. Onun sözlərinə görə, dəfələrlə xəbərdalıq edilsə də, Simanın əməllərində dəyişmə olmayıb.

Xatırladaq ki, S.Şərafətdinova hələ keçən həftə özünün yarışı tərk etdiyini açıqlamışdı. O, digər iştirakçılar tərəfindən təhqir edildiyini, alçaldıldığını bildirib. O, hətta qızlardan birinin onun başına ayaqqabı atdığını, üzünü yandırmaqla hədələdiyini elan etmişdi.

S.Şərafətdinova dəfələrlə yarışda sərt tənqidlərlə üzləşib, ağlayıb.

Milli.Az