Şou-biznes

Xatirə: "Orada iki qruplaşma olub, hər ikisini mən idarə etmişəm"

29 May 2015 15:29
10 Şərh     Baxış: 4 487
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İyirmi günə yaxın davam edən "Maşın" realiti şou sona çatdı və məlum olduğu kimi müğənni Xatirə İslam telelayihənin əsas hədiyyəsi olan avtomobili qazandı. 

Sənətçi şoudan sonra ilk müsahibəsini ölkə.az-a verib
 
- Xatirə xanım, səhhətiniz necədir?
 
- Səhhətimdə hər şey öz qaydasındadır. Bir dənə problem odur ki, yatıb qalmışam, verilişə gedə bilməmişəm. Qırx doqquz saatdan sonra nə baş verəcəyini bilmirdim. Hələ yaxşı ki, yatmaqla canımızı qurtardıq.
 
- Axıra üç nəfər qalanda bildirdiniz ki, buradan ancaq meyitim çıxa bilər...
 
- Mən də belə adamam da. Əvvəldən orada verdiyim sözün heç birinə xilaf çıxmamışam. Kim bunun əksini sübut etsə, maşını ona hədiyyə edə bilərəm.
 
- Maşını sürməyə imkan tapmısınız?
 
- Maşın yoxdur artıq.
 
- Satmısınız?
 
- Satmaq nədir, ayıb deyil?
 
- Hədiyyə olunub?
 
- Bəli.
 
- Kimə?
 
- Onu deyə bilmərəm.
 
- Bəlkə həyat yoldaşınıza...
 
- Həyat yoldaşımın maşını var. Bir nəfərə hədiyyə eləmişəm. 2-3 dəfə düşündüm ki, maşını Samirə verim gedim. Amma söz vermişdim ki, bu maşın gətirib verməliyəm. Bir dənə o sözə görə maşını qazandım. Yoxsa Samir o maşına layiq idi.
 
- Finalda iki bəylə mübarizə çətin olmadı?
 
- Çox dedilər ki, sən get, biz qazanaq. Dedim niyə getməliyəm ki, siz gedin mən qazanım da. Mən 49 saat gözləmişəm ki, sonra maşınsız gedim?
 
- İştirakçılardan kim təbrik etdi?
 
- Hamısı. Gecə Aşıq Əli, Abbas Bağırov, Rüfət Axundov və ailəmiz bir yerdə oturub çörək yedik.
 
- Şou ərzində yola getmədiyiniz aktrisa Mehriban Xanlarova zəng vurmuşdu?
 
- Orada çox gözəl öpüşüb görüşdük. Mən də onu qucaqladım. Onun xətrini Allaha and olsun dünyalar qədər istəyirəm. Mənim o insana qarşı pis niyyətim varsa, Allah mənim ən əziz adamımı öldürsün. İndi inandınız mənə? Görün Mehribana görə nəyə and içirəm.
 
- Əvvəldən hansısa qruplaşmada var idiniz?
 
- Orada iki qruplaşma olub, hər ikisini mən idarə etmişəm. İdarə etmək bir az pis çıxır. Yəni hər ikisində baş verənləri birinci mən bilmişəm.
 
- Kimin vasitəsiylə?
 
- Öz vasitəmlə.
 
- Eyni vaxta? Deməli, hər qrupdan bir nəfər sizə "işləyib" də...
 
- Mən kiminsə adını çəkə bilmərəm axı.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.