Kanal S (Region TV) xəbər verir ki, 28 May - Respublika Günü "Ferma" realiti-şousunun iştirakçıları tərəfindən qeyd olunub. Tanınmış müğənnilər şou iştirakçılarının qonağı olublar.
Аzərbaycanın teleməkanında fərqli və baxımlı layihələrdən olan "Ferma" realiti-şousunun iştirakçıları Respublika Gününü təntənəli şəkildə qeyd ediblər. Bu münasibətlə "Ferma"nın həyətində açıq havada bayram konserti düzənlənib. Tanınmış müğənnilərin ifasında maraqlı musiqi nömrələri təqdim olunub. Roza Zərgərli, Lətifə Soyuöz və digər müğənnilər öz ifaları ilə "Ferma"ya bayram əhval-ruhiyyəsi gətiriblər. Qonaqlar iştirakçılarla səmimi söhbət edib hal-əhval tutublar. Qədim diyar Şəkinin qonağı olmaqdan məmnun olduqlarını bildiriblər. Belə bir gündə tanınmışların "Ferma"da olması iştirakçılara sevinc bəxş edib.
Milli.Az